قورشاعان ورتاعا ەميسسيالارعا رۇقسات الۋ ءۇشىن 169 ءوتىنىم تۇسكەن

2829
Adyrna.kz Telegram

شىمكەنت قالاسىنىڭ تابيعي رەسۋرستار جانە تابيعات پايدالانۋدى رەتتەۋ باسقارماسىنىڭ باسشىسى احمەت تاتىباەۆ 2021 جىلدىڭ I توقسانىندا اتقارىلعان جۇمىستاردى قورىتىندىلادى.

قر ەكولوگيالىق كودەكسىنىڭ 20 بابىنا سايكەس، باسقارما ءوز قۇزىرەتi شەگiندە II, III جانە IV سانات وبەكتiلەرiنiڭ مەملەكەتتiك ەكولوگيالىق ساراپتاماسىن جۇرگiزەدi جانە قورشاعان ورتاعا ەميسسيالارعا رۇقساتتار بەرەدى.
باسقارما باسشىسىنىڭ مالىمدەۋىنشە، 2021 جىلدىڭ قاڭتار، اقپان، ناۋرىز ايلارىندا قورشاعان ورتاعا ەميسسيالارعا رۇقسات الۋ ءۇشىن 169 ءوتىنىم ماتەريالدارى تاپسىرىلىپ، ونىڭ 140 وتىنىمىنە رۇقساتتار بەرىلدى. 20 ءوتىنىم قايتارىلدى جانە 9 ماتەريال قاراستىرىلۋدا.

سونداي-اق، ەسەپتى كەزەڭدە شىمكەنت قالاسى بويىنشا اتموسفەرالىق اۋانىڭ جاي-كۇيى جونىندە حالىقتى حاباردار ەتۋدى قامتاماسىز ەتۋ ماقساتىندا 2 دانا LED-ەكراندى ورناتۋ ءۇشىن قالا اۋماعىنان ەكى جەر ۋچاسكەسىنە مەملەكەتتىك اكتىلەر الىندى. قالالىق بيۋدجەتتەن قارجى بولىنگەن.
قازىرگى تاڭدا، مەملەكەتتىك اكتىلەردى شىمكەنت قالاسىنىڭ ادىلەت دەپارتامەنتىندە تىركەۋ جۇمىستارى جۇرگىزىلۋدە.

فوتو: بەرەكە سەيىتجاپپار

شىمكەنت قالاسى اكىمدىگىنىڭ ءباسپاسوز قىزمەتى

 

پىكىرلەر