شىمكەنت قالاسىندا سوڭعى ءبىر تاۋلىكتە 5105 ادامعا كوروناۆيرۋسقا قارسى ۆاكتسينا سالىندى. ەكپە العانداردىڭ باسىم بولىگى نەگىزگى ساناتتان تىس قالا تۇرعىندارى.
مامانداردىڭ سوزىنشە، ۆاكتسينا سالدىرۋشىلاردىڭ اراسىندا ەگدە جاستاعىلاردىڭ سانى باسىم.
قالادا 38 ۆاكتسينا پۋنكتى جۇمىس ىستەپ تۇر. بۇعان قوسا ارنايى جىلجىمالى ەگۋ پۋنكتەرىنىڭ جۇمىسى ۇيىمداستىرىلعان.
بۇگىنگە دەيىن قالادا 21 748 ازاماتقا كوروناۆيرۋسكە قارسى ۆاكتسينا سالىندى. ەمحانالارداعى ەكپە ەگۋ پۋنكتەرىنىڭ جۇمىس ۋاقىتى تۇنگى ساعات 22:00-گە دەيىن ۇزارتىلىپ، دەمالىس كۇندەرى ءوز ەركىمەن كەلىسىم بەرگەن ازاماتتارعا ۆاكتسينا سالىنۋدا.
شىمكەنت قالاسى اكىمدىگىنىڭ ءباسپاسوز قىزمەتى
