شىمكەنت قالاسىندا اۋىل شارۋاشىلىعى سالاسىندا ينۆەستيتسيالىق جوبالار جۇزەگە اسىرىلۋدا. 2021 جىلى قۇنى 16,3 ملرد تەڭگەنى قۇرايتىن 28 ينۆەستيتسيالىق جوبانى ىسكە اسىرۋ جوسپارلانعان. بۇل رەتتە 1500-گە جۋىق جاڭا جۇمىس ورىندارى اشىلاتىن بولادى.
شىمكەنت قالاسىنىڭ اۋىل شارۋاشىلىعى جانە ۆەتەريناريا باسقارماسىنىڭ باسشىسى ا. قانىبەكوۆ جىل باسىنان بەرگى ءۇش ايلىق جۇمىستاردىڭ ەسەبىن باياندادى.
باسقارما باسشىسىنىڭ ايتۋىنشا، 2021 جىلى اۋىل شارۋاشىلىعى سالاسىنا 16,3 ملرد تەڭگە قوسىمشا ينۆەستيتسيا تارتىلادى. 28 ينۆەستيتسيالىق جوبا ىسكە اسىرىلىپ، 1500-گە جۋىق جاڭا جۇمىس ورىندارى قۇرىلادى. 14,6 مىڭ توننا ەت، 47,4 مىڭ توننا ءسۇت، 165 ملن دانا جۇمىرتقا ءوندىرۋ جوسپاردا. سونىمەن قاتار، 71,7 مىڭ توننا وسىمدىك شارۋاشىلىعى ونىمدەرى وندىرىلەدى (بيداي، ارپا، جۇگەرى، كوكونىس، باقشا، كارتوپ، جەمىس).
اتاپ ايتقاندا، بيىل اۋماعى 18 گەكتار جىلىجاي كەشەنىن (4,8 ملرد تەڭگە) قۇرۋ، 241 گەكتاردى قۇرايتىن بوسالقى جەرلەرگە الما باۋىن ەگۋ بويىنشا 3 جوبا (4,7 ملرد. تەڭگە), 1700 باس ءىرى قارا مال بورداقىلايتىن 10 جوبا (685 ملن. تگ.) جانە تاعى باسقا ءوندىرىس ءوندىرىس ورىندارى اشىلادى.
ناتيجەسىندە، جالپى ءونىمنىڭ كولەمى 37 ملرد. تەڭگەنى قۇراپ، ەڭبەك ونىمدىلىگى ءبىر جۇمىسشىعا شاققاندا 3 ملن تەڭگەگە جەتەدى دەپ بولجانىپ وتىر.
فوتو: بەرەكە سەيىتجاپپار
شىمكەنت قالاسى اكىمدىگىنىڭ ءباسپاسوز قىزمەتى
