شىمكەنت قالاسىنىڭ تۇرعىنى ديانا جايلاۋباەۆا كەستە تىگۋ ونەرىن جەتىك مەڭگەرگەن قولونەر شەبەرى. ىسمەر ۇلتتىق ناقىش پەن زاماناۋي ۇلگىدە قولونەر بۇيىمدارىن ازىرلەپ، كەستە تىگەدى جانە ويۋ-ورنەكتەرىمەن اشەكەلەيدى. وسى ۋاقىتقا دەيىن باس كيىم، سومكەلەر جانە تاعى دا باسقا دۇنيەلەرىن الەۋمەتتىك جەلى پاراقشاسى ارقىلى ۇسىنىپ كەلگەن. ءوز كاسىبىن ودان ءارى دامىتۋ ماقساتىندا ول مەملەكەتتىڭ قولداۋىنا جۇگىندى.
ىسمەر قالالىق جۇمىسپەن قامتۋ ورتالىعىندا جۇمىسسىز رەتىندە تىركەلىپ، قوسىمشا «باستاۋ بيزنەس» وقۋ كۋرسىن ءتامامدايدى. «قولونەر بۇيىمدارىن جاساۋ ءىسى» بويىنشا قايتارىمسىز گرانتقا ءوتىنىمىن ءبىلدىرىپ، كوميسسيانىڭ شەشىمىمەن قۇجاتتارى ماقۇلدانعان. ناتيجەسىندە 200 اەك(555 650 تگ) كولەمىندە مەملەكەتتىك گرانت جەڭىپ الدى.
د. جايلاۋباەۆا «ەڭبەك» باعدارلاماسى بويىنشا بەرىلگەن قايتارىمسىز گرانت قاراجاتىنا تىگىن ماشينالارى، مانەكەندەر مەن تاعى دا باسقا قاجەتتى ماتەريالداردى ساتىپ الىپ، قولونەر ستۋدياسىن اشقان. قازىرگى تاڭدا بىرنەشە ادامدى جۇمىسپەن قامتىپ وتىر. ءۇش بالانىڭ اناسى بۇل جەتىستىگىمەن شەكتەلمەي، الداعى ۋاقىتتا قولونەر شەبەرحاناسىن دامىتۋ جوسپارلارى كوپ ەكەندىگىن ايتادى.
شىمكەنت قالاسى اكىمدىگىنىڭ ءباسپاسوز قىزمەتى
