شىمكەنت قالاسىنىڭ اكىمى مۇرات ايتەنوۆ قالاداعى بىرقاتار جول نىساندارىنىڭ قۇرىلىس بارىسىن ارالاپ كوردى. شاھار باسشىسى الدىمەن بايدىبەك بي داڭعىلى مەن ۇ.ارعىنبەكوۆ كوشەسىنىڭ قيىلىسىندا سالىناتىن جولايرىعىنىڭ جوباسىمەن تانىستى.
بايدىبەك بي – ارعىنبەكوۆ كوشەلەرىنىڭ قيىلىسىندا كولىك جولايرىعىن سالۋ قۇرىلىسىنىڭ 1-ءشى كەزەڭىنە جاۋاپتى مەردىگەر مەكەمە – «كازاحدورستروي» جشس. قۇرىلىس اۋماعىنىڭ ۇزىندىعى بايدىبەك بي داڭعىلى بويىنشا - 700, ارعىنبەكوۆ كوشەسى بويىنشا – 921 م.
قۇرىلىس 2020-2022 جىلدار ارالىعىنا جوسپارلانعان. جالپى قۇنى –11,4 ملرد تەڭگە. 2021 جىلعا قارالعانى – 200 ملن تەڭگە. جالپى 61 جەر تەلىمىن قايتارۋ قاجەتتىگى تۋىنداۋدا.
نەگىزگى جولدى جابۋعا دەيىن بيىل مامىر-قىركۇيەك ايلارى ارالىعىندا اعاشتاردى تامىرىمەن جۇلۋ، 3-4 سەزدەردەگى بايلانىس جەلىلەرىن قايتا جايلاستىرۋ، ارعىنبەكوۆ كوشەسىندەگى 3-ءشى سەزدەگى تىرەۋ قابىرعاسىن سالۋ جۇمىستارىن جۇرگىزۋ جوسپاردا.
سونىمەن قاتار، قازان-جەلتوقسان ايلارى ارالىعىندا ارعىنبەكوۆ كوشەسىنىڭ بويىنداعى 3-ءشى سەزدىڭ تىرەۋ قابىرعاسىن سالۋ، تۋننەل بويىنشا جەر جۇمىستارىن جۇرگىزۋ كوزدەلۋدە.
شىمكەنت قالاسى اكىمدىگىنىڭ ءباسپاسوز قىزمەتى
