الەمدەگى ەڭ ماڭىزدى دا مەرەيلى ماماندىقتاردىڭ ءبىرى - دارىگەر. اق حالاتتى ابزال جان دەگەن تەڭەۋ دە وسىنىڭ ايعاعى. سىرقاتتانىپ، اۋىرعاندا دا جانىڭىزدان تابىلاتىن – وسى مەيىربان ادامدار. شىمكەنتتەگى №11 قالالىق ەمحانا دارىگەرى كۋلباەۆا نازيپا بيليالوۆنا سانالى عۇمىرىن مەديتسينا سالاسىنا ارنادى.
دارىگەر اۋرۋ اعزانىڭ عانا ەمەس، ادام جانىنىڭ ەمشىسى. وسى ۇستانىمدى ۇستاناتىن كۋلباەۆا نازيپا دارىگەردى بىلمەيتىن شىمكەنتتىكتەر كەمدە كەم. ول ءار ناۋقاسقا كەشەندى كەڭەس بەرە وتىرىپ، وعان ءوز جاقىنى رەتىندە قارايدى. ال مەيىرىم – كاسىبي دارىگەردىڭ باستى قۇرالى. جالپى تاجىريبەلى دارىگەر جىلىنا 5000 ايماق تۇرعىندارىنا مەديتسينالىق كومەك كورسەتەدى.
نازيپا دارىگەردىڭ 25 جىلدان بەرى مەديتسينا سالاسىندا ەسەلى ەڭبەك ەتىپ كەلە جاتقان قىزمەتى ەلەۋسىز قالعان جوق. قر دەنساۋلىق ساقتاۋ مينيسترلىگىنىڭ، وبلىستىق، قالالىق دەنساۋلىق ساقتاۋ باسقارماسىنىڭ، كاسىپوداق ۇيىمىنىڭ العىس حاتتارىمەن ماراپاتتالعان.
بۇگىنگى تاڭدا جتد دارىگەر تالاي جاننىڭ ومىرىنە اراشا ءتۇسىپ، ەرلىككە پارا-پار قىزمەت اتقارىپ كەلەدى.
شىمكەنت قالاسى اكىمدىگىنىڭ ءباسپاسوز قىزمەتى
