شىمكەنتتە بالالاردى 1-سىنىپقا قابىلداۋ باستالدى

667

بيىل جاڭا وقۋ جىلىنا 1-سىنىپقا بالالاردى قابىلداۋ 1 ءساۋىر - 1 تامىز ارالىعىندا جۇرگىزىلەدى.

ءوتىنىش بەرۋشى ءوزىنىڭ شاعىن اۋدانىنداعى ءبىلىم بەرۋ ۇيىمىنا نەمەسە باسقا شاعىن اۋداندا ورنالاسقان ءبىلىم بەرۋ ۇيىمىندا بوس ورىن بولعان جاعدايدا ەلەكتروندى ۇكىمەت پورتالى ارقىلى ءوتىنىش بەرە الادى.

1-سىنىپقا بالالار 6 جاستان (وسى جىلى 6 جاسقا تولاتىن بالالار) قابىلدانادى. ول ءۇشىن ءوتىنىش، تۋ تۋرالى كۋالىك، فوتوسۋرەت 3ح4 - 2 دانا، دەنساۋلىعى تۋرالى انىقتاما (0/26, 0/63), ەرەكشە ءبىلىمدى قاجەت ەتەتىن بالالار بولعان جاعدايدا «پەداگوگيكالىق- پسيحولوگيالىق- مەديتسينالىق كەڭەسى» قورىتىندىسى قاجەت.

قۇجاتتاردى قابىلداۋ ءتارتىبى:
1. ەلەكتروندى تۇردە (1 جۇمىس كۇنى)
2. قۇجاتتاردى قابىلداۋ تۋرالى 15 مينۋت ىشىندە سمس حابارلاما جولدانادى.
3. قۇجاتتاردى قابىلداۋ تۋرالى سمس حابارلاما نەمەسە دالەلدى باس تارتۋ تۋرالى سمس حابارلاما جولدانادى.

دالەلدى باس تارتۋ:
1.قۇجاتتاردىڭ تولىق بولماۋى;
2.مەكتەپ جوبالىق قۋاتتىلىعىنان وقۋشىلاردىڭ اسۋى

ءبىلىم بەرۋ ۇيىمدارىنا قۇجاتتاردى ۇسىنۋ الگوريتمى
1. اتا-انا ەلەكروندى تسيفرلىق قولتاڭبا الۋى ءتيىس.
2. ەلەكتروندى ۇكىمەت پورتالىن اشۋ https://egov.kz.
3. egov.kz پورتالىندا «ءبىلىم» بولىمىنە كىرۋ.
4. «ءبىلىم» بولىمىندە «ورتا ءبىلىم» باتىرماسىن تاڭداۋ.
5. «قۇجاتتاردى قابىلداۋ جانە ءبىلىم بەرۋ ۇيىمدارىنا قابىلداۋ (باستاۋىش، نەگىزگى ورتا، جالپى ورتا)» قىزمەتىن تاڭداۋ.
6. «ونلاين قىزمەتكە تاپسىرىس بەرۋ» باتىرماسىن تاڭداۋ.
7. «جەكە كابينەتكە» كىرۋ ءۇشىن جەكە تسيفرلىق قولتاڭبانى پايدالانۋ.
8. قۇجاتتاردى تىزىمگە سايكەس جۇكتەۋ ء(وتىنىش، تۋ تۋرالى كۋالىك، 3x4 فوتوسۋرەت - 2 دانا، دەنساۋلىق تۋرالى انىقتامالار (0/23,0/63).
9. قۇجاتتاردى جۇكتەگەننەن كەيىن ەلەكتروندى تسيفرلىق قولتاڭبامەن قول قويۋ.
10. قۇجاتتاردى قاراستىرۋعا قابىلداۋ تۋرالى SMS حابارلاما الىڭىز.
11. ءبىر جۇمىس كۇنى ىشىندە ءسىزدىڭ جەكە كابينەتىڭىزگە نەمەسە ۇيالى تەلەفونىڭىزعا وقۋعا قابىلداۋ نەمەسە دالەلدى باس تارتۋ تۋرالى SMS حابارلاما جىبەرىلەدى.

شىمكەنت قالاسى اكىمدىگىنىڭ ءباسپاسوز قىزمەتى

 

 

پىكىرلەر
رەداكتسيا تاڭداۋى