اتىراۋدا جەسىر ايەلدىڭ باسىنان بالتامەن ۇرىپ، ءوزى اسىلىپ ولگەن كۇدىكتىگە جاقتاسقان جەتى پوليتسەي جۇمىستان قۋىلدى، دەپ حابارلايدى كتك ارناسى.
قازىرگى كەزدە قىزمەتىنە سالعىرت قاراعان ساقشىلاردى ءوز ارىپتەستەرى تەرگەپ جاتىر.
الايدا جابىرلەنۋشىنىڭ اپكەسى قاندى قىلمىستىڭ الدىن الۋعا اسىقپاعان پوليتسيا دەپارتامەنتىن تۇگەل تەكسەرۋدى تالاپ ەتىپ، ىشكى ىستەر مينيسترىنە شاعىمدانۋدى كوزدەپ وتىر.
ۋچاسكەلىك پوليتسەيگە ءمان-جايدى باياندادىم دەگەن جابىرلەنۋشى اپكەسىنىڭ ايتۋىنشا، جاعداي ۋشىعىپ جاتقان سوڭ قايتا حابارلاسقاندا تەلەفون تۇتقاسىن كوتەرگەن پوليتسەي قاتقىل داۋىسپەن: "قازىر بارادى عوي، ۇشامىز با ەندى؟!" دەپ جاۋاپ بەرگەن كورىنەدى.
"ولار دەر كەزىندە كەلگەندە، قان توگىلمەس ەدى. ءتارتىپ ساقشىلارى ءسىڭلىمنىڭ وسىعان دەيىن جازعان ارىز-شاعىمىنا دا قۇلاق اسپاعان. ىشكى ىستەر مينيسترىنەن ءوتىنىپ سۇرايمىن، بارلىعىن ءوز باقىلاۋىنا السا دەيمىن", – دەيدى جابىرلەنۋشىنىڭ اپكەسى اليسا ساتانوۆا.
دارىگەرلەر باسىنا بالتا تيگەن كەلىنشەكتىڭ قازىرگى جاعدايى جاقسى ەكەنىن ايتۋدا. كۇردەلى وتا جاساۋدى قاجەت ەتپەيدى. ال اناسىن بالتالاپ جاتقانىن كوزىمەن كورگەن بۇلدىرشىندەر ءالى دە پسيحولوگتاردىڭ باقىلاۋىندا.
