Atyraýda jesir áıeldiń basynan baltamen uryp, ózi asylyp ólgen kúdiktige jaqtasqan jeti polıeı jumystan qýyldy, dep habarlaıdy KTK arnasy.
Qazirgi kezde qyzmetine salǵyrt qaraǵan saqshylardy óz áriptesteri tergep jatyr.
Alaıda jábirlenýshiniń ápkesi qandy qylmystyń aldyn alýǵa asyqpaǵan polıııa departamentin túgel tekserýdi talap etip, ishki ister mınıstrine shaǵymdanýdy kózdep otyr.
Ýchaskelik polıeıge mán-jaıdy baıandadym degen jábirlenýshi ápkesiniń aıtýynsha, jaǵdaı ýshyǵyp jatqan soń qaıta habarlasqanda telefon tutqasyn kótergen polıeı qatqyl daýyspen: "Qazir barady ǵoı, ushamyz ba endi?!" dep jaýap bergen kórinedi.
"Olar der kezinde kelgende, qan tógilmes edi. Tártip saqshylary sińlimniń osyǵan deıin jazǵan aryz-shaǵymyna da qulaq aspaǵan. Ishki ister mınıstrinen ótinip suraımyn, barlyǵyn óz baqylaýyna alsa deımin", – deıdi jábirlenýshiniń ápkesi Alısa Satanova.
Dárigerler basyna balta tıgen kelinshektiń qazirgi jaǵdaıy jaqsy ekenin aıtýda. Kúrdeli ota jasaýdy qajet etpeıdi. Al anasyn baltalap jatqanyn kózimen kórgen búldirshinder áli de psıhologtardyń baqylaýynda.
