سەناتورلار بانكتىك، ميكروقارجى جانە كوللەكتورلىق قىزمەتتى رەتتەۋ ماسەلەلەرىن تالقىلادى، دەپ حابارلايدى «ادىرنا» ۇلتتىق پورتالى قازاقپاراتقا سىلتەمە جاساپ.
«ازاماتتاردىڭ قارىز اۋىرتپالىعىنىڭ ودان ءارى وسۋىنە جول بەرمەۋ جانە نەسيەلەۋدىڭ ءوسۋ قارقىنىن وڭتايلاندىرۋ باستى ماسەلە بولىپ وتىر. سەناتتىڭ قارجى جانە بيۋدجەت كوميتەتى كەڭەيتىلگەن وتىرىستا قاراستىرعان زاڭ جوباسى ءدال وسى ماسەلەنى قامتاماسىز ەتۋگە باعىتتالعان»، - دەلىنگەن سەنات ءباسپاسوز قىزمەتىنىڭ مالىمەتىندە.
كوميتەت ءتورايىمى ولگا پەرەپەچينا زاڭ جوباسىنىڭ مىندەتى قارجىلىق قىزمەتتەردى تۇتىنۋشىلاردىڭ قۇقىقتارىن قورعاۋدى كۇشەيتۋ، اتاپ ايتقاندا بانكتىك زاەمدار مەن ميكروكرەديتتەر بويىنشا مەرزىمى وتكەن قارىزداردى وتەۋدىڭ بىرىڭعاي قۇقىقتىق رەجيمىن ەنگىزۋ ەكەنىن اتاپ ءوتتى. ياعني، بورىشكەرگە پروبلەمالىق قارىز تۋىنداعان كەزدە ۋاكىلەتتى ورگانعا جۇگىنۋ قۇقىعىن بەرۋ، سونداي-اق پروبلەمالىق نەسيەلەر بويىنشا نەسيە تۋرالى اقپاراتتى ساقتاۋ مەرزىمىن 10 جىلدان 5 جىلعا دەيىن قىسقارتۋ ماسەلەلەرى ءسوز بولدى.
«زاڭ جوباسى بانكتەردىڭ سىياقىنى، تۇراقسىزدىق ايىبىن جانە باسقا تولەمدەردى تولەۋ جونىندەگى تالاپتارىنا، پروبلەمالىق قارىزدار تۋىنداعان كەزدەگى بارلىق يپوتەكالىق نەسيەلەر بويىنشا، مەرزىمى وتكەن سىياقىلار ءارى باسقا تولەمدەر بويىنشا تالاپتارعا تىيىم سالۋدى بەلگىلەيدى»، - دەدى ولگا پەرەپەچينا. قۇجات، سونىمەن قاتار، كوللەكتورلىق قىزمەت تۋرالى زاڭنامانى جەتىلدىرۋدى كوزدەيدى.
بورىشكەرمەن تىركەلمەگەن تەلەفون نومىرلەرىن كوللەكتورلىق اگەنتتىكپەن ءوزارا ارەكەتتەسۋگە تىيىم سالۋ جانە بورىشكەرمەن جۇمىس كەزىندە دىبىستىق جانە بەينەجازبانى جۇزەگە اسىرۋ بويىنشا مىندەتتەمەلەر بەلگىلەۋ ۇسىنىلدى. زاڭ جوباسىن قازاقستان رەسپۋبليكاسى پارلامەنتىنىڭ دەپۋتاتتارى ازىرلەدى.
