Senatorlar banktik, mıkroqarjy jáne kollektorlyq qyzmetti retteý máselelerin talqylady, dep habarlaıdy «Adyrna» ulttyq portaly QazAqparatqa silteme jasap.
«Azamattardyń qaryz aýyrtpalyǵynyń odan ári ósýine jol bermeý jáne nesıeleýdiń ósý qarqynyn ońtaılandyrý basty másele bolyp otyr. Senattyń Qarjy jáne bıýdjet komıteti keńeıtilgen otyrysta qarastyrǵan zań jobasy dál osy máseleni qamtamasyz etýge baǵyttalǵan», - delingen Senat baspasóz qyzmetiniń málimetinde.
Komıtet tóraıymy Olga Perepechına zań jobasynyń mindeti qarjylyq qyzmetterdi tutynýshylardyń quqyqtaryn qorǵaýdy kúsheıtý, atap aıtqanda banktik zaemdar men mıkrokredıtter boıynsha merzimi ótken qaryzdardy óteýdiń biryńǵaı quqyqtyq rejımin engizý ekenin atap ótti. Iaǵnı, boryshkerge problemalyq qaryz týyndaǵan kezde ýákiletti organǵa júginý quqyǵyn berý, sondaı-aq problemalyq nesıeler boıynsha nesıe týraly aqparatty saqtaý merzimin 10 jyldan 5 jylǵa deıin qysqartý máseleleri sóz boldy.
«Zań jobasy bankterdiń syıaqyny, turaqsyzdyq aıybyn jáne basqa tólemderdi tóleý jónindegi talaptaryna, problemalyq qaryzdar týyndaǵan kezdegi barlyq ıpotekalyq nesıeler boıynsha, merzimi ótken syıaqylar ári basqa tólemder boıynsha talaptarǵa tyıym salýdy belgileıdi», - dedi Olga Perepechına. Qujat, sonymen qatar, kollektorlyq qyzmet týraly zańnamany jetildirýdi kózdeıdi.
Boryshkermen tirkelmegen telefon nómirlerin kollektorlyq agenttikpen ózara árekettesýge tyıym salý jáne boryshkermen jumys kezinde dybystyq jáne beınejazbany júzege asyrý boıynsha mindettemeler belgileý usynyldy. Zań jobasyn Qazaqstan Respýblıkasy Parlamentiniń depýtattary ázirledi.
