قازاقستان حالىق كەڭەسىنىڭ مۇشەسى مۇرات ابەنوۆ بالا دۇنيەگە كەلگەن وتباسىلارعا نەسيە تولەۋ مەرزىمىن ۋاقىتشا شەگەرۋدى ۇسىندى، دەپ حابارلايدى “ادىرنا”.
ونىڭ پىكىرىنشە، جاس وتباسىلاردىڭ قارجىلىق قيىندىقتارى ەلدەگى تۋ كورسەتكىشىنىڭ تومەندەۋىنە اسەر ەتىپ وتىر.
ابەنوۆتىڭ ايتۋىنشا، نەسيەلىك جۇكتەمەنىڭ ارتۋى، تۇراقتى جۇمىس پەن باسپانانىڭ بولماۋى ەرلى-زايىپتىلاردىڭ بالا ءسۇيۋ تۋرالى شەشىمىنە كەرى ىقپال ەتەدى. ول وتباسىلاردى قارجىلىق قىسىمنان قورعاۋ ءۇشىن بىرقاتار شارا قابىلداۋ قاجەت دەپ ەسەپتەيدى.
اتاپ ايتقاندا، ميكروقارجى ۇيىمدارىنىڭ قىزمەتىنە باقىلاۋدى كۇشەيتۋ، جەكە سوت ورىنداۋشىلارىنىڭ ازاماتتار شوتتارىن جاپپاي بۇعاتتاۋىنا جول بەرمەۋ جانە ءسابي دۇنيەگە كەلگەن كەزدە پايىزسىز نەسيە دەمالىسىن اۆتوماتتى تۇردە ەنگىزۋ ۇسىنىلدى.
ۇلتتىق ستاتيستيكا بيۋروسىنىڭ دەرەگىنە سايكەس، قازاقستاندا تۋ كورسەتكىشى سوڭعى جىلدارى تومەندەگەن. 2021 جىلى 446 مىڭعا جۋىق ءسابي دۇنيەگە كەلسە، 2025 جىلى بۇل كورسەتكىش 335 مىڭعا دەيىن ازايعان. ال 2026 جىلدىڭ العاشقى توعىز ايىندا 227 مىڭ بالا تۋعان.
