سەنبىلىك — بۇل ۇجىمدىق رۋحتى، بىرەگەيلىكتى، پسيحولوگيالىق كليماتتى كوتەرەتىن كەرەمەت ءادىس. سەنبىلىك قىزمەتكەرلەر اراسىندا جۇمىستان تىس انگىمەلەسۋ مەن ءبىر-ءبىرىن جاقىن تانۋعا مۇمكىندىك بەرەدى. بۇرىننان بەلگىلى، ورتاق مۇددە ءۇشىن بىرلەسىپ جاساعان ەڭبەكتەي ەش نارسە ادامداردى بىرىكتىرە المايدى. وسىعان وراي قالىپتاسقان ءداستۇر بويىنشا نۇر-سۇلتان قالاسى قازاقستان حالقى اسسامبلەياسى مۇشەلەرى مەن قوعامدىق كەلىسىم" كمم قىزمەتكەرلەرى «بىرگە-تازا قازاقستان» اكتسياسى اياسىنداعى شارانى قولداپ سەنبىلىككە قاتىستى.
جالپى، اسسامبلەيانىڭ مۇشەلەرى قاي مەزگىلى بولماسىن، قالا تازالىعىن جانە تابيعاتتى كوگالداندىرۋ ماسەلەسىن ەرەكشە باقىلاۋدا ۇستايدى. سونىڭ ايعاعى ىسپەتتەس، بۇگىنگى بوتانيكالىق باقتا وتكەن سەنبىلىكتى اتاپ وتۋگە بولادى. قورشاعان ورتانىڭ تازالىعى بارىمىزگە ورتاق دەسەك، ونىڭ تازا كۇيىندە قالىپتى بولۋى زور جاۋاپكەرشىلىك جۇكتەيدى. ءبىزدىڭ ەلوردا ەتنومادەني بىرلەستىكتەرىنىڭ وكىلدەرى مەن نۇر-سۇلتان قالاسى اكىمدىگىنىڭ جانىنداعى " قوعامدىق كەلىسىم" كمم قىزمەتكەرلەرى قىس مەزگىلىنىڭ وزىندە، قامقورلىقتى قاجەت ەتەتىن جالعىزباستى قارتتاردىڭ تۇرعىن ءۇي اۋلالارىن دا قاردان تازارتۋدى داستۇرگە اينالدىرعان. بۇل يگىلىككە باعىتتالعان تازالىق ءداستۇرى جىل بويى ءوز جالعاسىن تاباتىن بولادى. بەتكە ۇستار باستى قالانىڭ كوركەمدىگى، تازالىعى نۇر-سۇلتان قالاسى اسسامبلەياسىنىڭ ۇدايى نازارىندا. جالپىقالالىق سەنبىلىكتىڭ نەگىزگى ماقساتى: قالا كوشەلەرىندە تازالىقتى ساقتاۋ ماسەلەسىنە قوعامنىڭ نازارىن اۋدارۋ جانە ەكولوگيالىق مادەنيەتتى قالىپتاستىرۋ. كوشەلەر مەن اۋلالاردى اباتتاندىرۋعا ءوز ۇلەسىن قوسۋ.
