Senbilik — bul ujymdyq rýhty, biregeılikti, psıhologııalyq klımatty kóteretin keremet ádis. Senbilik qyzmetkerler arasynda jumystan tys ángimelesý men bir-birin jaqyn tanýǵa múmkindik beredi. Burynnan belgili, ortaq múdde úshin birlesip jasaǵan eńbekteı esh nárse adamdardy biriktire almaıdy. Osyǵan oraı qalyptasqan dástúr boıynsha Nur-Sultan qalasy Qazaqstan Halqy Assambleıasy músheleri men Qoǵamdyq kelisim" KMM qyzmetkerleri «Birge-taza Qazaqstan» akııasy aıasyndaǵy sharany qoldap senbilikke qatysty.
Jalpy, Assambleıanyń músheleri qaı mezgili bolmasyn, qala tazalyǵyn jáne tabıǵatty kógaldandyrý máselesin erekshe baqylaýda ustaıdy. Sonyń aıǵaǵy ispettes, búgingi Botanıkalyq baqta ótken senbilikti atap ótýge bolady. Qorshaǵan ortanyń tazalyǵy bárimizge ortaq desek, onyń taza kúıinde qalypty bolýy zor jaýapkershilik júkteıdi. Bizdiń elorda etnomádenı birlestikteriniń ókilderi men Nur-Sultan qalasy ákimdiginiń janyndaǵy " Qoǵamdyq kelisim" KMM qyzmetkerleri qys mezgiliniń ózinde, qamqorlyqty qajet etetin jalǵyzbasty qarttardyń turǵyn úı aýlalaryn da qardan tazartýdy dástúrge aınaldyrǵan. Bul ıgilikke baǵyttalǵan tazalyq dástúri jyl boıy óz jalǵasyn tabatyn bolady. Betke ustar basty qalanyń kórkemdigi, tazalyǵy Nur-Sultan qalasy Assambleıasynyń udaıy nazarynda. Jalpyqalalyq senbiliktiń negizgi maqsaty: qala kóshelerinde tazalyqty saqtaý máselesine qoǵamnyń nazaryn aýdarý jáne ekologııalyq mádenıetti qalyptastyrý. Kósheler men aýlalardy abattandyrýǵa óz úlesin qosý.
