قازاقستاندا جاڭا وقۋ جىلىنان باستاپ وبلىستارداعى 100-150 مەكتەپتە قازاق ءتىلىن وقىتۋدىڭ جاڭا ادىستەمەسى ەنگىزىلەدى. بۇل تۋرالى بۇگىن ءبىلىم جانە عىلىم ءمينيسترى ەرلان ساعاديەۆ اقتوبەدە پەداگوگتارمەن كەزدەسۋىندە ايتتى دەپ حابارلايدى ازاتتىق ءتىلشىسى.
ساعاديەۆتىڭ سوزىنە قاراعاندا، قازىر قازاقستاندا ورىس مەكتەپتەرىندە وقيتىن 500 مىڭنان استام بالا قازاق ءتىلىن بىلمەيدى جانە بۇل ماسەلەنى شەشۋدە قازاق ءتىلىن وقىتۋدىڭ جاڭا ادىستەمەسى دايىندالعان.
- بالانى سويلەۋگە "ماجبۇرلەيتىن" بۇل كوممۋنيكاتيۆتى ادىستەمەنى قولدانۋدا سوزدىك قور شەكتەۋلى بولادى. سول ارقىلى وقۋشىلاردى مەيلىنشە جىلدام قازاقشا سويلەتەمىز. مينيسترلىك سونىمەن قاتار ءجيى قولدانىلاتىن سوزدەردىڭ سوزدىگىن دە ازىرلەپ قويدى، - دەدى ساعاديەۆ.
ءمينيستردىڭ مالىمەتىنشە، مەكتەپ جاسىنداعى قازاق بالالارىنىڭ 90 پايىزى انا ءتىلىن بىلەدى.
وبلىستىق ءبىلىم بەرۋ باسقارماسىنىڭ حابارلاۋىنشا، مينيستر مەن پەداگوگتەردىڭ كەزدەسۋى جابىق تۇردە وتكەن.
