Qazaqstanda jańa oqý jylynan bastap oblystardaǵy 100-150 mektepte qazaq tilin oqytýdyń jańa ádistemesi engiziledi. Bul týraly búgin bilim jáne ǵylym mınıstri Erlan Saǵadıev Aqtóbede pedagogtarmen kezdesýinde aıtty dep habarlaıdy Azattyq tilshisi.
Saǵadıevtiń sózine qaraǵanda, qazir Qazaqstanda orys mektepterinde oqıtyn 500 myńnan astam bala qazaq tilin bilmeıdi jáne bul máseleni sheshýde qazaq tilin oqytýdyń jańa ádistemesi daıyndalǵan.
- Balany sóıleýge "májbúrleıtin" bul kommýnıkatıvti ádistemeni qoldanýda sózdik qor shekteýli bolady. Sol arqyly oqýshylardy meılinshe jyldam qazaqsha sóıletemiz. Mınıstrlik sonymen qatar jıi qoldanylatyn sózderdiń sózdigin de ázirlep qoıdy, - dedi Saǵadıev.
Mınıstrdiń málimetinshe, mektep jasyndaǵy qazaq balalarynyń 90 paıyzy ana tilin biledi.
Oblystyq bilim berý basqarmasynyń habarlaýynsha, mınıstr men pedagogterdiń kezdesýi jabyq túrde ótken.
