قازاقستاندا 32 پەدوفيل وسى جىلدىڭ سوڭىنا دەيىن بوستاندىققا شىعادى، دەپ حابارلايدى Stan.kz اقپارات اگەنتتىگى «ينفورمبيۋرو» باعدارلاماسىنا سىلتەمە جاساپ.
بۇگىندە ەلىمىزدە بالالارعا زورلىق-زومبىلىق كورسەتكەن 1800 ادام جازاسىن وتەپ جاتىر. ەڭ قورقىنىشتىسى، ولاردىڭ سانى كۇننەن-كۇنگە ارتۋدا.
ارنايى بايلانىس ورتالىعى الاڭداۋشىلىق بىلدىرگەن اتا-انالاردىڭ قوڭىراۋلارىن قابىلداۋدى جالعاستىرۋدا. مۇنداي قىلمىس جاساعانداردىڭ جازاسى جەڭىل. دەگەنمەن، 10 پەدوفيلدىڭ 9-ى بوستاندىققا شاققاننان كەيىن بۇرىنعى قىلمىسىن قايتا جاسايدى.
زورلىق-زومبىلىق قۇرباندارىنا ارنالعان ەلوردالىق بايلانىس ورتالىعىنا ادەتتە قۇربان بولعان بالالاردىڭ اتا-انالارى حابارلاسادى. قازىر ورتالىق ماماندارى پەدوفيلياعا قاتىستى ەكى جاعدايمەن اينالىسۋدا.
«قىز وگەي اكەسى ءوزىن سيپايتىنى تۋرالى ايتتى. اناسى ساراپتاما جاساتتى. گينەكولوگ دەرەكتى راستادى»، - دەيدى «نۇر وتان» پارتياسىنىڭ 111 توتەنشە جاعدايلار قىزمەتىنىڭ ۇيلەستىرۋشىسى گۇلسىم جيەنوۆا.
باس پروكۋراتۋرانىڭ سايتىندا 14 جاسقا دەيىنگى بالالارعا قارسى قىلمىس جاساعان ادامداردىڭ سۋرەتى مەن ولاردىڭ مەكەن-جايلارى كورسەتىلگەن كارتا ورنالاستىرىلعان.
ولار ءۇشىن جازا شارتتى تۇردە سوتتالۋ، ءماجبۇرلى كوستراتسيادان باستاپ، 20 جىلعا باس بوستاندىعىنان ايىرۋعا دەيىن قاراستىرىلادى. ماسەلەن، باس پروكۋراتۋرانىڭ سايتىندا كورسەتىلگەندەي، وسكەمەن قالاسىنىڭ تۇرعىنى پاۆەل ارشينەتس 18 جاسىندا ءبىر جىلعا عانا شارتتى تۇردە سوتتالسا، ال ەسىك اۋىلىنىڭ تۇرعىنى جاسۇلان ۋرداباەۆ زورلاۋ جانە كىسى ءولتىرۋ قىلمىسى ءۇشىن 21 جىلعا سوتتالعان.
پەدوفيلدەر بوستاندىققا شىققاننان كەيىن مىنەز-قۇلقىنا بايلانىستى التى ايدان ءۇش جىلعا دەيىن پوليتسيانىڭ قاراۋىندا بولادى. وسىدان كەيىن، زاڭعا سايكەس مالىمەتتەر الىنىپ تاستالادى. بىراق، پسيحياترلاردىڭ ايتۋىنشا، پەدوفيليا ەمدەلمەيدى.
«نەۆرولوگتاردىڭ زەرتتەۋى بويىنشا، شىعارىلعانداردىڭ كوپشىلىگى ءالى كۇنگە دەيىن قوعام ءۇشىن وتە قاۋىپتى دەگەن قورىتىندى جاساۋعا بولادى. 90% ادام ەمدەلمەيدى. جالعىز قورعانىس - بالاعا قۇربان بولۋدان قالاي ساقتانۋعا بولاتىنىن ۇيرەتۋ كەرەك. بالاعا بەيتانىس اداممەن سويلەسپەۋدى، قول تيگىزسە، ايقالاپ كومەككە شاقىرۋدى ۇيرەتۋ كەرەك»، - دەيدى پسيحولوگ ۆيكتوريا انشاكوۆا.
پسيحولوگتار ءبىراۋىزدان مەملەكەتتىك مەكەمەلەر دە، تاربيەشىلەر دە، پوليتسيا قىزمەتكەرلەرى دە بالالارعا قاتىستى جىنىستىق زورلىق-زومبىلىق دەڭگەيىن ايتارلىقتاي تومەندەتە المايدى دەگەن پىكىردە. سوندىقتان، بالا ۇنەمى اتا-انانىڭ باقىلاۋىندا بولۋى كەرەك.
"ادىرنا" ۇلتتىق پورتالى
