Qazaqstanda 32 pedofil osy jyldyŋ soŋyna deiın bostandyqqa şyǧady, dep habarlaidy Stan.kz aqparat agenttıgı «İnformbiuro» baǧdarlamasyna sılteme jasap.
Bügınde elımızde balalarǧa zorlyq-zombylyq körsetken 1800 adam jazasyn ötep jatyr. Eŋ qorqynyştysy, olardyŋ sany künnen-künge artuda.
Arnaiy bailanys ortalyǧy alaŋdauşylyq bıldırgen ata-analardyŋ qoŋyraularyn qabyldaudy jalǧastyruda. Mūndai qylmys jasaǧandardyŋ jazasy jeŋıl. Degenmen, 10 pedofildıŋ 9-y bostandyqqa şaqqannan keiın būrynǧy qylmysyn qaita jasaidy.
Zorlyq-zombylyq qūrbandaryna arnalǧan elordalyq bailanys ortalyǧyna ädette qūrban bolǧan balalardyŋ ata-analary habarlasady. Qazır ortalyq mamandary pedofiliiaǧa qatysty ekı jaǧdaimen ainalysuda.
«Qyz ögei äkesı özın sipaityny turaly aitty. Anasy saraptama jasatty. Ginekolog derektı rastady», - deidı «Nūr Otan» partiiasynyŋ 111 tötenşe jaǧdailar qyzmetınıŋ üilestıruşısı Gülsım Jienova.Bas prokuraturanyŋ saitynda 14 jasqa deiıngı balalarǧa qarsy qylmys jasaǧan adamdardyŋ suretı men olardyŋ meken-jailary körsetılgen karta ornalastyrylǧan. Olar üşın jaza şartty türde sottalu, mäjbürlı kostrasiiadan bastap, 20 jylǧa bas bostandyǧynan aiyruǧa deiın qarastyrylady. Mäselen, Bas prokuraturanyŋ saitynda körsetılgendei, Öskemen qalasynyŋ tūrǧyny Pavel Arşines 18 jasynda bır jylǧa ǧana şartty türde sottalsa, al Esık auylynyŋ tūrǧyny Jasūlan Urdabaev zorlau jäne kısı öltıru qylmysy üşın 21 jylǧa sottalǧan. Pedofilder bostandyqqa şyqqannan keiın mınez-qūlqyna bailanysty alty aidan üş jylǧa deiın polisiianyŋ qarauynda bolady. Osydan keiın, zaŋǧa säikes mälımetter alynyp tastalady. Bıraq, psihiatrlardyŋ aituynşa, pedofiliia emdelmeidı.
«Nevrologtardyŋ zertteuı boiynşa, şyǧarylǧandardyŋ köpşılıgı älı künge deiın qoǧam üşın öte qauıptı degen qorytyndy jasauǧa bolady. 90% adam emdelmeidı. Jalǧyz qorǧanys - balaǧa qūrban boludan qalai saqtanuǧa bolatynyn üiretu kerek. Balaǧa beitanys adammen söilespeudı, qol tigızse, aiqalap kömekke şaqyrudy üiretu kerek», - deidı psiholog Viktoriia Anşakova.Psihologtar bırauyzdan memlekettık mekemeler de, tärbieşıler de, polisiia qyzmetkerlerı de balalarǧa qatysty jynystyq zorlyq-zombylyq deŋgeiın aitarlyqtai tömendete almaidy degen pıkırde. Sondyqtan, bala ünemı ata-ananyŋ baqylauynda boluy kerek.
"Adyrna" ūlttyq portaly
