زيمبابۆە جويىلۋ الدىندا تۇرعان 500 افريكالىق ءپىلدى اتۋعا ليتسەنزيا ساتاتىن بولدى، - دەپ حابارلايدى "ادىرنا" ۇلتتىق پورتالى Tengrinews.kz-كە سىلتەپ. بۇل تۋرالى Business Day باسىلىمىنا جازعان ەدى.
زيمبابۆەنىڭ ساياباقتار مەن جابايى تابيعات باسقارماسىنىڭ وكىلى تيناشە فاراۆو كوروناۆيرۋس پاندەمياسىنا بايلانىستى تۋريستىك تابىستىڭ تومەندەۋى وسى قادامعا بارۋدىڭ ءبىر سەبەبى بولعانىن ايتتى.
ء"بىزدىڭ قىزمەتىمىزگە بيۋدجەت شامامەن 25 ميلليون دوللار، ول ءىشىنارا سپورتتىق اڭشىلىقتان تۇسكەن اقشا، بىراق قازىر كوروناۆيرۋس پاندەمياسىنا بايلانىستى تۋريزم توقتاپ تۇرعانىن بىلەسىزدەر", - دەدى فاراۆو.
ەل بيلىگى مۇنداي مالىمدەمەنى افريكالىق ورمان ءپىلى جويىلىپ كەتۋ قاۋپى بار جانۋارلاردىڭ قاتارىنا كىرگەن سوڭ بىرنەشە اپتادان كەيىن جاسادى.
تابيعي رەسۋرستاردى باسقارۋ ورتالىعىنىڭ زيمبابۆەنىڭ قورشاعان ورتانى قورعاۋ جانە ادام قۇقىقتارى جونىندەگى توبىنىڭ ءباسپاسوز حاتشىسى سيميسو ملەۆۋ بۇل شەشىمدى قولدامادى.
ء"بىز جابايى جانۋارلاردى قوزدىراتىن جانە ادام مەن جابايى تابيعات اراسىنداعى قاقتىعىستاردى كۇشەيتەتىن ولجالى اڭشىلىققا نارازىمىز", - دەدى ول.
ونىڭ پىكىرىنشە، ەل بيۋدجەتىنە كىرىستى ۇلعايتۋ ءۇشىن يننوۆاتسيالىق جانە ەكولوگيالىق قاۋىپسىز شارالار قاجەت.
زيمبابۆە - پىلدەردى اقىلى ۇستاۋ رۇقسات ەتىلگەن ايماقتاعى جالعىز ەل ەمەس. مىسالى جەلتوقساندا ناميبيا قورىقتارداعى جانۋارلاردىڭ كوپ بولۋىنا جانە ەلدەگى قۇرعاقشىلىق سالدارىنان 170 جابايى ءپىلدى ساتىلىمعا شىعارعان بولاتىن.
افريكا ءپىلى - جەر بەتىندەگى ەڭ ءىرى جەر جانۋارى.
"ادىرنا" ۇلتتىق پورتالى
