34 مۋتاتسياسى بار كوروناۆيرۋستىڭ جاڭا نۇسقاسى انگولا اۋەجايىنداعى تۋريستەردەن تابىلدى، دەپ حابارلايدى "ادىرنا" ۇلتتىق پورتالى.
ساراپشىلار SARS-CoV-2 نۇسقاسىنداعى مۋتاتسيالى ۆيرۋستىڭ كوپتەگەن وزگەرىستەرمەن بىرگە ينفەكتسيالىق بولۋى نەمەسە دەنەنىڭ يممۋندىق قورعانىسىن باسۋى مۇمكىن ەكەنىن جوققا شىعارمايدى.
يزۆەستيا اتاپ وتكەندەي، ۆيرۋستىق مۋتاتسيانىڭ بريتاندىق جانە وڭتۇستىك افريكالىق نۇسقالارى تۋرالى اقپارات كەڭىنەن تاراۋدا. بۇل كوروناۆيرۋستىڭ جاڭا نۇسقاسى ۋاقىتشا A.VOI.V2 دەپ اتالدى.
وسى مۋتاتسيالاردىڭ بارلىعى كوروناۆيرۋستىڭ انتيدەنەلەرگە توزىمدىلىگىن ارتتىرىپ، ونىڭ جۇقپالىعىن كوبەيتەدى دەيدى جاڭا شتاممدى اشقان دارىگەرلەر.
قازان فەدەرالدى ۋنيۆەرسيتەتىنىڭ فۋندامەنتالدى مەديتسينا جانە بيولوگيا ينستيتۋتىنىڭ دالدىك جانە رەگەنەراتيۆتى مەديتسينا عىلىمي-كلينيكالىق ورتالىعىنىڭ ديرەكتورى - البەرت ريزۆانوۆ، كوروناۆيرۋستىق مۋتاتسيالار سانىنىڭ كوبەيۋى تاڭقالارلىق ەمەس دەپ سانايدى.
ۋاقىت وتكەن سايىن، ۆيرۋستىڭ بەيىمدەلۋ قابىلەتى قانشالىقتى كوپ بولسا، سوعۇرلىم مۋتاتسيا جيناقتالادى. ونىڭ ايتۋىنشا، بۇل ۆيرۋس ەۆوليۋتسياسىنىڭ كەلەسى كەزەڭى. يممانۋيل كانت اتىنداعى بالتىق فەدەرالدى ۋنيۆەرسيتەتىنىڭ پروفەسسورى اندرەا پرودەستىڭ ايتۋىنشا، قازىر مۇندا 1,5 مىڭنان استام ادامنان وسى شتاممدى ۆيرۋس انىقتالعان.
"ادىرنا" ۇلتتىق پورتالى
