Zımbabve joıylý aldynda turǵan 500 afrıkalyq pildi atýǵa lıenzııa satatyn boldy, - dep habarlaıdy "Adyrna" ulttyq portaly Tengrinews.kz-ke siltep. Bul týraly Business Day basylymyna jazǵan edi.
Zımbabveniń Saıabaqtar men jabaıy tabıǵat basqarmasynyń ókili Tınashe Faravo koronavırýs pandemııasyna baılanysty týrıstik tabystyń tómendeýi osy qadamǵa barýdyń bir sebebi bolǵanyn aıtty.
"Bizdiń qyzmetimizge bıýdjet shamamen 25 mıllıon dollar, ol ishinara sporttyq ańshylyqtan túsken aqsha, biraq qazir koronavırýs pandemııasyna baılanysty týrızm toqtap turǵanyn bilesizder", - dedi Faravo.
El bıligi mundaı málimdemeni afrıkalyq orman pili joıylyp ketý qaýpi bar janýarlardyń qataryna kirgen soń birneshe aptadan keıin jasady.
Tabıǵı resýrstardy basqarý ortalyǵynyń Zımbabveniń qorshaǵan ortany qorǵaý jáne adam quqyqtary jónindegi tobynyń baspasóz hatshysy Sımıso Mlevý bul sheshimdi qoldamady.
"Biz jabaıy janýarlardy qozdyratyn jáne adam men jabaıy tabıǵat arasyndaǵy qaqtyǵystardy kúsheıtetin oljaly ańshylyqqa narazymyz", - dedi ol.
Onyń pikirinshe, el bıýdjetine kiristi ulǵaıtý úshin ınnovaııalyq jáne ekologııalyq qaýipsiz sharalar qajet.
Zımbabve - pilderdi aqyly ustaý ruqsat etilgen aımaqtaǵy jalǵyz el emes. Mysaly jeltoqsanda Namıbııa qoryqtardaǵy janýarlardyń kóp bolýyna jáne eldegi qurǵaqshylyq saldarynan 170 jabaıy pildi satylymǵa shyǵarǵan bolatyn.
Afrıka pili - jer betindegi eń iri jer janýary.
"Adyrna" ulttyq portaly
