رەسەيدىڭ 11 وبلىسىنا شوشقا ىندەتىنىڭ ءورشۋ قاۋپى ءتونىپ تۇر، دەدى ازاماتتىق قورعانىس جانە توتەنشە جاعدايلار جونىندەگى بۇكىلرەسەيلىك زەرتتەۋ ينستيتۋتى (VNII GOChS), دەپ حابارلايدى "ادىرنا" سايتى Gazeta.ru-عا سىلتەمە جاساپ.
اۋرۋ وشاقتارىنىڭ امۋر، بەلگورود، نيجني نوۆگورود، پسكوۆ، سامارا ساراتوۆ، سۆەردلوۆسك، ياروسلاۆل، ساراتوۆ، سۆەردلوۆسك وبلىستارىندا، حاباروۆسك پەن پريمورسك وبلىستارىندا، سونداي -اق ەۆرەي اۆتونوميالىق وبلىسىندا پايدا بولۋ ىقتيمالدىعى جوعارى، - دەدى عالىمدار.
وسىعان بايلانىستى، رەسەي فەدەراتسياسىنىڭ قۇرىلتاي سۋبەكتىلەرىنىڭ ورگاندارىنا اۋرۋدىڭ تارالۋىن بولدىرماۋ ءۇشىن دەر كەزىندە ارەكەت ەتۋدى جانە ەپيزووتياعا قارسى شارالار كەشەنىن قامتاماسىز ەتۋ ۇسىنىلادى.
چەليابى وبلىسىندا شوشقانىڭ افريكالىق بەزگەگى ەكى شارۋاشىلىقتا انىقتالدى. 1 جانە 5 قازانداعى زەرتتەۋلەر بارىسىندا ۆەتەرينارلىق قىزمەت ينفەكتسيانىڭ ەكى جاعدايىن راستادى: شوشقا ۇستالاتىن كوپەيسك قالاسىنىڭ No1 تۇزەتۋ كولونياسىنداعى فەرمادا جانە نوۆىي اۋىلىنىڭ جەكە سەكتورىندا. ينفەكتسيانىڭ تاعى ءبىر وبەكتىسى - اۋرۋ شوشقالاردىڭ ەتى ساقتالاتىن قويما بولدى. تۇزەۋ كولونياسىنىڭ فەرماسىندا اۋرۋدان 113 شوشقا، فەرمادا - تورتەۋى انىقتالدى.
"ادىرنا" ۇلتتىق پورتالى
