قار كوشكىنىنىڭ ءجۇرۋ قاۋپىنە بايلانىستى تاۋ بوكتەرلەرىنە شىعۋعا تىيىم سالىنادى. الماتىدا اۋا رايىنا بايلانىستى ەسكەرتۋ جاريالاندى، دەپ حابارلايدى توتەنشە جاعدايلار دەپارتامەنتىنىڭ ءباسپاسوز قىزمەتى.
دەپارتامەنت تاراتقان مالىمەتتەرگە قاراعاندا، جىلىمىقتىڭ اياسىندا جاۋىن-شاشىننىڭ تۇسۋىنە جانە قار جامىلعىسىنىڭ تۇراقسىزدىعى مەن بيىكتىگىنىڭ جوعارى بولۋىنا بايلانىستى ۇلكەن جانە كىشى الماتى سۋ الابتارىندا 21-22 ءساۋىر ارالىعىندا قار كوشكىنى قاۋپى ساقتالادى.
«كوشكىن ءجۇرۋ قاۋپى مۇمكىن بولۋىنا بايلانىستى، قارلى تىك جارتاستارعا شىعۋعا بولمايدى.تاۋدا اباي بولىڭىزدار»، – دەلىنگەن ۆەدومستۆانىڭ حابارلاماسىندا.
«قازگيدرومەت» رمك دەرەكتەرىنە سۇيەنسەك، قالادا اۋا تەمپەراتۋراسى تومەندەۋى مۇمكىن.
«21 ساۋىردە الماتىدا كۇندىز جاڭبىر، قار جاۋادى دەپ كۇتىلەدى. نايزاعاي ويناپ، بۇرشاق جاۋى مۇمكىن. سولتۇستىك-شىعىستان سوققان جەل، ەكپىنى 10 م/س-دەن 23-28 م/س دەيىن. اۋا تەمپەراتۋراسى تۇندە + 5, كۇندىز +7 جىلى بولادى»، – دەپ حابارلاعان بولاتىن «قازگيدرومەت» رمك فيليالى.
