دۋباي قالاسىنداعى Fairmont The Palm رەزيدەنتسياسىنا يران زىمىرانى تۇسكەن عيماراتتا قازاقستاندىق ازاماتتار مەن ولاردىڭ تۋىستارى تۇراتىنى بەلگىلى بولدى، دەپ حابارلايدى "ادىرنا" ۇلتتىق پورتالى.
بۇل تۋرالى جۋرناليست ماناس قايىرتاي مالىمدەدى.
ونىڭ دەرەگىنشە، رەزيدەنتسيا ءۇش عيماراتتان تۇرادى. ءبىر بولىگى قوناق ءۇي رەتىندە جۇمىس ىستەسە، قالعان ەكەۋى تۇرعىن ءۇي رەتىندە پايدالانىلعان. اتالعان تۇرعىنۇي بولىگىندە قازاقستاندىقتارعا تيەسىلى ونداعان پاتەر ورنالاسقان.
ءجۋرناليستىڭ ايتۋىنشا، C4ADS ۇيىمىنىڭ 2022 جىلعى زەرتتەۋىنە سايكەس، بۇل رەزيدەنتسيادان قازاقستاندىقتار شامامەن 97 پاتەر ساتىپ العان. ولاردىڭ اراسىندا بۇرىن مەملەكەتتىك قىزمەتتە بولعان تۇلعالاردىڭ تۋىستارى دا بار.
جاريالانعان مالىمەتكە سايكەس، پاتەر يەلەرى قاتارىندا:
– باعدا باتالوۆا (ەكس-اكىم اماندىق باتالوۆتىڭ جۇبايى),
– ميراس مامي (جوعارعى سوتتىڭ بۇرىنعى توراعاسى قايرات ءماميدىڭ ۇلى),
– لەيلا ادايبەكوۆا جانە ەلجان يماشەۆ (بەرىك يماشەۆتىڭ وتباسى مۇشەلەرى),
– جانار سەيدۆاليەۆا مەن قورلان شارىپباەۆا (قايرات شارىپباەۆتىڭ تۋىستارى),
– وركەن ەسەي (احمەتجان ەسىموۆتىڭ كۇيەۋ بالاسى),
– الەنا شەنەسارى (گۇلجان قاراعۇسوۆانىڭ كەلىنى),
– قايسىن جۇماعاليەۆا (اسقار جۇماعاليەۆتىڭ اناسى),
– سەرجان دۇيسەباەۆ (قازاقستاننىڭ ەەو-داعى وكىلى),
– رۋسلان اقبەرديەۆ (پرەزيدەنت كۇزەت قىزمەتىنىڭ بۇرىنعى قىزمەتكەرى),
– عابدۋلحاكىم جاشىبەكوۆ (پرەزيدەنت اكىمشىلىگىندە قىزمەت ەتكەن گەنەرال),
– نيكولاي رودوستوۆەتس (ەكس-مينيستر),
– ارداق زيابەك (ەكس-ۆيتسە-مينيستر بەرىك تولىمباەۆتىڭ ۇلى) بار.
قازىرگى ۋاقىتتا زىمىران سوققىسىنىڭ سالدارى مەن زارداپ شەككەندەر تۋرالى ناقتى اقپارات جاريالانعان جوق.
