قازاقستان كەز كەلگەن اسكەري جانجالدى تەك ديپلوماتيالىق جولمەن رەتتەۋدى جاقتايدى، دەپ حابارلايدى "ادىرنا" ۇلتتىق پورتالى ءسىم-گە سىلتەپ.
ءسىم حابارلاۋىنشا، قازاقستان ءۇشىنشى ەلدىڭ ىسىنە ارالاسپاۋ ۇستانىمىن ۇستانادى جانە ەشبىر تاراپتى قولدامايدى.
ء«بىز مۇنداي اسكەري قاقتىعىستاردىڭ بولۋىن قالامايمىز. ەگەر جانجال تۋىندايتىن بولسا، ونىڭ شەشىمى ديپلوماتيالىق ۇستەل ۇستىنەن تابىلۋى ءتيىس. ءبىز جانجالداردى حالىقارالىق قۇقىق پەن بۇۇ جارعىسىنا سايكەس شەشۋگە شاقىرامىز»، – دەدى سىرتقى ىستەر ۆيتسە-ءمينيسترى باقاەۆ.
الىبەك باقاەۆ قازاقستاننىڭ جانجالداسۋشى تاراپتارعا كەلىسسوز جۇرگىزۋ ءۇشىن الاڭ ۇسىنۋ تاجىريبەسى بار ەكەنىن اتاپ ءوتتى. بۇعان دەيىن الماتىدا يران ماسەلەسىنە قاتىستى الاڭ ۇيىمداستىرىلىپ، سيريا بويىنشا بيلىك پەن وپپوزيتسيا اراسىنداعى 20-دان استام راۋند كەلىسسوزدەر جۇرگىزىلگەن.
«بۇل تاجىريبە اسكەري جانجالدى توقتاتىپ، تاراپتاردى كەلىسسوز ۇستەلىنە وتىرعىزۋعا مۇمكىندىك بەردى»، – دەدى مينيستر ورىنباسارى.
