جۋىردا ەل پرەزيدەنتى ق.توقاەۆ ەلىمىزدەگى رەسپۋبليكالىق جانە جەرگىلىكتى جولداردىڭ جاعدايىنا قاتىستى ازاماتتاردىڭ ايتىپ جۇرگەن سىنىنا قاتىستى پىكىر ءبىلدىردى.
"ساپاسىز جاسالعان جول جىل سايىن جوندەۋدى قاجەت ەتەدى جانە بۇعان مەملەكەتتىڭ قارجىسى ءتيىمسىز جۇمسالىپ جاتىر. ۇكىمەتكە، اكىمدەر مەن قۇقىق قورعاۋ ورگاندارىنا جاعدايدى رەتتەۋ ءۇشىن جۇيەلى شارالار قابىلداپ، ونىڭ ەسەبىن بەرۋدى تاپسىرامىن»، - دەگەن بولاتىن پرەزيدەنت.
مەملەكەت باسشىسىنىڭ بۇل سوزىنە ورايدا جولدىڭ ساپاسىن باقىلاۋدى ۇزدىكسىز جۇرگىزىپ وتىرعان «جول اكتيۆتەرى ۇلتتىق ساپا ورتالىعى» رمك الماتى وبلىستىق فيليالىنىڭ ديرەكتورى جاسۇلان كەرىمقۇلوۆ فيليال جانىنان قۇرىلعان «جولساپا» قوعامدىق باقىلاۋ كەڭەسىنىڭ كەزەكتى وتىرىسىن وتكىزدى.
كارانتيندىك جاعدايعا بايلانىستى وتىرىسقا الماتى قالاسىنىڭ ماڭىنداعى اۋدانداردان عانا قوعامدىق بەلسەندىلەر قاتىستى. قاراساي اۋداندىق ءماسليحات دەپۋتاتتارى – بەكجان سۋنبەكوۆ، ايجان بالاجانوۆا، جامبىل اۋداندىق ءماسليحات دەپۋتاتى ايدىن ءجۇنىسوۆ جانە «اتامەكەن» گازەتىنىڭ ءجۋرناليسى ەلدار جاقىپبەكوۆ، تاعى بىرقاتار ارداگەر جۋرناليستەر فيليالدىڭ اتقارىپ جاتقان جۇمىسىمەن تانىستى.
بۇگىنگى تاڭداعى جولداردىڭ ساپاسى مەن وزەكتى ماسەلەلەر توڭىرەگىندە فيليال باسشىسى جاسۇلان ماحامبەتۇلى تىلگە تيەك ەتىپ، جول ساپاسىنا ۇلكەن نۇقسان كەلتىرەتىن اۋىر جۇك كولىكتەرىنىڭ قوزعالىسىنا توقتالدى. سونداي-اق، قوعامداعى كەيبىر بۇزاقىلاردىڭ ورەسكەل ارەكەتتەرىنىڭ سالدارىنان جول بەلگىلەرى جارامسىز بولىپ نەمەسە مۇلدە جوعالىپ كەتەتىنىنە بىرنەشە مىسال كەلتىردى.
اتاپ ايتقاندا، اۋىل ماڭىنداعى جول بەلگىلەرىن تۇبىمەن قوپارىپ، ۇرلاپ الىپ، ۇيىنە قۇرىلىس ماتەريالدارىنا پايدالانعان تۇرعىندار انىقتالعان. سونداي-اق، كەيبىر ادامداردىڭ جول بەلگىلەرىن مايىستىرىپ، سىندىرىپ، قۇلاتىپ كەتكەن جايلار دا كەزدەسەدى. مىنە، وسى سياقتى تولىپ جاتقان كەمشىلىكتەردىڭ الدىن الۋ شارالارىنا قوعام بەلسەندىلەرىن، حالىق قالاۋلىلارىن جانە بۇقارالىق اقپارات قۇرالدارىن اتسالىسۋعا شاقىردى.
وتىرىس بارىسىندا دەپۋتاتتار وزدەرىن تولعاندىرعان ساۋالدارعا جاۋاپ الدى. جيىن سوڭىندا جينالعاندار قوعامدىق كەڭەس مۇشەلەرىمەن بىرگە عيمارات ءىشىن ارالاپ، زەرتحانا جۇمىستارىمەن تانىستى. جيىنعا قاتىسۋشىلار جىلجىمالى زەرتحانا اۆتوكولىگىنىڭ جولدى تەكسەرۋ بارىسىنداعى اتقاراتىن ماڭىزدى ءىس-ارەكەتىنەن ناقتى ماعلۇمات الدى.
