Juyrda el Prezidentı Q.Toqaev elımızdegı respublikalyq jäne jergılıktı joldardyŋ jaǧdaiyna qatysty azamattardyŋ aityp jürgen synyna qatysty pıkır bıldırdı.
"Sapasyz jasalǧan jol jyl saiyn jöndeudı qajet etedı jäne būǧan memlekettıŋ qarjysy tiımsız jūmsalyp jatyr. Ükımetke, äkımder men qūqyq qorǧau organdaryna jaǧdaidy retteu üşın jüielı şaralar qabyldap, onyŋ esebın berudı tapsyramyn», - degen bolatyn Prezident.
Memleket basşysynyŋ būl sözıne oraida joldyŋ sapasyn baqylaudy üzdıksız jürgızıp otyrǧan «Jol aktivterı ūlttyq sapa ortalyǧy» RMK Almaty oblystyq filialynyŋ direktory Jasūlan Kerımqūlov filial janynan qūrylǧan «Jolsapa» qoǧamdyq baqylau keŋesınıŋ kezektı otyrysyn ötkızdı.
Karantindık jaǧdaiǧa bailanysty otyrysqa Almaty qalasynyŋ maŋyndaǧy audandardan ǧana qoǧamdyq belsendıler qatysty. Qarasai audandyq mäslihat deputattary – Bekjan Sunbekov, Aijan Balajanova, Jambyl audandyq mäslihat deputaty Aidyn Jünısov jäne «Atameken» gazetınıŋ jurnalisı Eldar Jaqypbekov, taǧy bırqatar ardager jurnalister filialdyŋ atqaryp jatqan jūmysymen tanysty.
Bügıngı taŋdaǧy joldardyŋ sapasy men özektı mäseleler töŋıregınde filial basşysy Jasūlan Mahambetūly tılge tiek etıp, jol sapasyna ülken nūqsan keltıretın auyr jük kölıkterınıŋ qozǧalysyna toqtaldy. Sondai-aq, qoǧamdaǧy keibır būzaqylardyŋ öreskel äreketterınıŋ saldarynan jol belgılerı jaramsyz bolyp nemese mülde joǧalyp ketetınıne bırneşe mysal keltırdı.
Atap aitqanda, auyl maŋyndaǧy jol belgılerın tübımen qoparyp, ūrlap alyp, üiıne qūrylys materialdaryna paidalanǧan tūrǧyndar anyqtalǧan. Sondai-aq, keibır adamdardyŋ jol belgılerın maiystyryp, syndyryp, qūlatyp ketken jailar da kezdesedı. Mıne, osy siiaqty tolyp jatqan kemşılıkterdıŋ aldyn alu şaralaryna qoǧam belsendılerın, halyq qalaulylaryn jäne būqaralyq aqparat qūraldaryn atsalysuǧa şaqyrdy.
Otyrys barysynda deputattar özderın tolǧandyrǧan saualdarǧa jauap aldy. Jiyn soŋynda jinalǧandar qoǧamdyq keŋes müşelerımen bırge ǧimarat ışın aralap, zerthana jūmystarymen tanysty. Jiynǧa qatysuşylar jyljymaly zerthana avtokölıgınıŋ joldy tekseru barysyndaǧy atqaratyn maŋyzdy ıs-äreketınen naqty maǧlūmat aldy.
Ūqsas jaŋalyqtar
