پرەزيدەنت قاسىم-جومارت توقاەۆ سىرتقى ىستەر سالاسىندا بىرقاتار اۋىس-ءتۇيىس جاسادى.
مەملەكەت باسشىسىنىڭ جارلىعىمەن ءراپىل جوشىباەۆ قازاقستان رەسپۋبليكاسىنىڭ قىرعىز رەسپۋبليكاسىنداعى توتەنشە جانە وكىلەتتى ەلشىسى لاۋازىمىنا تاعايىندالدى، دەپ حابارلادى اقوردا.
سونداي-اق مارعۇلان بايمۇحان ەندى قازاقستان رەسپۋبليكاسىنىڭ بەلگيا كورولدىگىندەگى توتەنشە جانە وكىلەتتى ەلشىسى لاۋازىمىنا، ەۋروپا وداعىنىڭ جانىنداعى جانە سولتۇستىك اتلانت شارتى ۇيىمىنداعى (ناتو) قازاقستان رەسپۋبليكاسى وكىلدىگىنىڭ باسشىسى قىزمەتىن اتقارادى.
ال نۇرلان جالعاسباەۆ قازاقستان رەسپۋبليكاسىنىڭ ءۇندىستان رەسپۋبليكاسىنداعى توتەنشە جانە وكىلەتتى ەلشىسى لاۋازىمىنا تاعايىندالدى.
جاڭا تاعايىنداۋلارعا بايلانىستى بۇعان دەيىن قازاقستان رەسپۋبليكاسىنىڭ قىرعىز رەسپۋبليكاسىنداعى توتەنشە جانە وكىلەتتى ەلشىسى لاۋازىمىن اتقارعان قايرات نۇرپەيىسوۆ قىزمەتىنەن بوساتىلدى.
ەرلان الىمباەۆ قازاقستان رەسپۋبليكاسىنىڭ ءۇندىستان رەسپۋبليكاسىنداعى توتەنشە جانە وكىلەتتى ەلشىسى لاۋازىمىنان، قازاقستان رەسپۋبليكاسىنىڭ شري-لانكا دەموكراتيالىق سوتسياليستىك رەسپۋبليكاسىنداعى، بانگلادەش حالىق رەسپۋبليكاسىنداعى، نەپال فەدەراتيۆتىك دەموكراتيالىق رەسپۋبليكاسىنداعى، بۋتان كورولدىگىندەگى، مالديۆ رەسپۋبليكاسىنداعى توتەنشە جانە وكىلەتتى ەلشىسى لاۋازىمىن قوسا اتقارۋدان بوساتىلدى.
ول مەملەكەت باسشىسىنىڭ وكىمىمەن قازاقستان رەسپۋبليكاسى سىرتقى ىستەر ءمينيسترىنىڭ ورىنباسارى لاۋازىمىنا تاعايىندالدى.
"ادىرنا" ۇلتتىق پورتالى
