Prezıdent Qasym-Jomart Toqaev syrtqy ister salasynda birqatar aýys-túıis jasady.
Memleket basshysynyń jarlyǵymen Rápil Joshybaev Qazaqstan Respýblıkasynyń Qyrǵyz Respýblıkasyndaǵy tótenshe jáne ókiletti elshisi laýazymyna taǵaıyndaldy, dep habarlady Aqorda.
Sondaı-aq Marǵulan Baımuhan endi Qazaqstan Respýblıkasynyń Belgııa Koroldigindegi tótenshe jáne ókiletti elshisi laýazymyna, Eýropa Odaǵynyń janyndaǵy jáne Soltústik Atlant sharty uıymyndaǵy (NATO) Qazaqstan Respýblıkasy ókildiginiń basshysy qyzmetin atqarady.
Al Nurlan Jalǵasbaev Qazaqstan Respýblıkasynyń Úndistan Respýblıkasyndaǵy tótenshe jáne ókiletti elshisi laýazymyna taǵaıyndaldy.
Jańa taǵaıyndaýlarǵa baılanysty buǵan deıin Qazaqstan Respýblıkasynyń Qyrǵyz Respýblıkasyndaǵy tótenshe jáne ókiletti elshisi laýazymyn atqarǵan Qaırat Nurpeıisov qyzmetinen bosatyldy.
Erlan Álimbaev Qazaqstan Respýblıkasynyń Úndistan Respýblıkasyndaǵy tótenshe jáne ókiletti elshisi laýazymynan, Qazaqstan Respýblıkasynyń Shrı-Lanka Demokratııalyq Soıalıstik Respýblıkasyndaǵy, Bangladesh Halyq Respýblıkasyndaǵy, Nepal Federatıvtik Demokratııalyq Respýblıkasyndaǵy, Býtan Koroldigindegi, Maldıv Respýblıkasyndaǵy tótenshe jáne ókiletti elshisi laýazymyn qosa atqarýdan bosatyldy.
Ol memleket basshysynyń ókimimen Qazaqstan Respýblıkasy syrtqy ister mınıstriniń orynbasary laýazymyna taǵaıyndaldy.
"Adyrna" ulttyq portaly
