پەتروپاۆل قالاسىنداعى 2019 جىلى اشىلعان №25 قازاق ورتا مەكتەبىنە التى الاش كوشباسشىسى ءاليحان بوكەيحاننىڭ ەسىمى بەرىلدى، دەپ حابارلايدى "ادىرنا" ۇلتتىق پورتالى. بۇل تۋرالى اليحانتانۋشى-عالىم، حالىقارالىق جۋرناليست سۇلتانحان اققۇلۇلى ءوزىنىڭ Facebook پاراقشاسىندا ءبولىستى.
- مەكتەپ ديرەكتورى ساۋلە حانىم تۇرسىن وسى قازىر عانا ءسۇيىنشى سۇراپ حابارلاستى. قالالىق ونوماستيكالىق كوميسسيا بۇگىن عانا وسىنداي قاۋلى قابىلداپتى. وعان قوسا تاعى ءۇش مەكتەپكە احمەت بايتۇرسىنۇلى، قاجىمۇقان مۇڭايتپاسۇلى جانە سماعۇل سادۋاقاسۇلىنىڭ ەسىمدەرى بەرىلەتىن بولدى. قۇتتى بولسىن! ۇلى كوشىمىز كەشتەۋ دە تىم باياۋ بولسا-داعى وسىلاي تۇزەلە باستاعان سىڭايلى...،- دەپ جازدى ءاليحانتانۋشى-عالىم.
ايتا كەتەيىك، ءاليحان بوكەيحاننىڭ ەسىمىن رەسپۋبليكا كولەمىندەگى مەكتەپتەرگە، ۋنيۆەرسيتەتتەرگە بەرۋ جونىندەگى ۇسىنىستار 2011 جىلداردان باستاپ، ءجيى ايتىلىپ كەلەدى. سونداي-اق، بيىل قاراعاندى قالاسىنىڭ وكتيابر اۋدانىن ءاليحان بوكەيحان ەسىمىمەن اتاۋ ۇسىنىسى قوعامدىق تىڭداۋدا قاراعاندىلىقتار تاراپىنان قولداۋ تاپقان بولاتىن.
"ادىرنا" ۇلتتىق پورتالى
