Marat Ahmetjanov Sybaılas jemqorlyqqa qarsy qyzmettiń tóraǵasy bolyp taǵaıyndaldy, - dep habarlaıdy "Adyrna" ulttyq portaly Aqordanyń resmı saıtyna silteme jasap.
«Ahmetjanov Marat Muratuly Qazaqstan Respýblıkasynyń Sybaılas jemqorlyqqa qarsy is-qımyl agenttiginiń (Sybaılas jemqorlyqqa qarsy qyzmet) tóraǵasy bolyp taǵaıyndalsyn», - delingen Prezıdent jarlyǵynda.
Ol Bas prokýrordyń orynbasary qyzmetinen bosatyldy.
Alık Shpekbaev Sybaılas jemqorlyqqa qarsy qyzmetten ketti.
Marat Ahmetjanov 1964 jyly 22 jeltoqsanda dúnıege kelgen.
Bóketov atyndaǵy Qaraǵandy memlekettik ýnıversıtetiniń zań fakýltetin bitirgen.
Eńbek jolyn 1991 jyly bastady, sodan keıin Temirtaý prokýratýrasynda tergeýshi bolyp jumys istedi.
1993-1996 jyldary - Bas prokýratýranyń janyndaǵy sybaılas jemqorlyqqa qarsy is-qımyl jónindegi arnaıy prokýratýranyń erekshe mańyzdy ister jónindegi aǵa tergeýshisi, Bas prokýratýranyń erekshe qaýipti qylmystardy tergeý jónindegi basqarmasy aımaqtyq tergeýshiler bóliminiń bastyǵy.
1996-1997 jyldary - Memlekettik tergeý komıtetiniń erekshe qaýipti qylmystardy tergeý bóliminiń bastyǵy, Memlekettik tergeý komıteti áskerı tergeý basqarmasy bóliminiń bastyǵy.
1997-1998 - Ishki ister mınıstrligi Áskerı tergeý basqarmasy bóliminiń bastyǵy.
1998-2001 jyldary - Ádilet mınıstrligi Tergeý departamenti dırektorynyń orynbasary jáne Sot sheshimderin oryndaý komıteti tóraǵasynyń orynbasary.
2001 jyly - Bas prokýratýranyń tergeý jáne anyqtaý organdaryndaǵy zańdylyqty qadaǵalaý bóliminiń bastyǵy.
2003 jyldan 2006 jylǵa deıin - Pavlodar oblysynyń prokýrory.
2006-2009 jyldary - Ońtústik Qazaqstan oblysynyń prokýrory.
2009-2012 jyldary - Bas prokýratýranyń quqyqtyq statıstıka jáne arnaıy esepke alý jónindegi komıtetiniń tóraǵasy.
2012 jyly - Qazaqstan Respýblıkasy Ekonomıkalyq qylmysqa jáne sybaılas jemqorlyqqa qarsy kúres agenttigi tóraǵasynyń orynbasary.
2014-2016 jyldary - Atyraý oblysy boıynsha memlekettik qyzmet isteri jáne sybaılas jemqorlyqqa qarsy is-qımyl departamentiniń bastyǵy, sybaılas jemqorlyqqa qarsy is-qımyl ulttyq bıýrosynyń Atyraý oblysy boıynsha departamentiniń bastyǵy.
2016 jyldyń 2 maýsymynan bastap Qazaqstan Bas Prokýrorynyń orynbasary bolyp jumys istedi.
"Adyrna" ulttyq portaly
