قازاقستان كوروناۆيرۋس جۇقتىرۋشىلار سانى بويىنشا الەمدىك رەيتينگىدە 110-ورىندا، دەپ حابارلايدى «ادىرنا» ۇلتتىق پورتالى قازاقپاراتقا سىلتەمە جاساپ.
الەمدە كوروناۆيرۋس جۇقتىرۋ بويىنشا جاعداي ءالى دە الاڭداتارلىق. اقش-تا ءبىر تاۋلىكتە 76 مىڭ جاڭا جاعداي تىركەلدى. تۇركيا (62 مىڭ جاڭا جاعداي), فرانتسيا (43 مىڭ), گەرمانيا (32 مىڭ), پولشا (21 مىڭ) سياقتى ەۋروپا ەلدەرىندە كوروناۆيرۋس ينفەكتسياسىنىڭ ءوسىمى بايقالادى. كوپتەگەن ەل ۇكىمەتتەرى شەكتەۋ شارالارىن كۇشەيتۋ بويىنشا شارالار قابىلداۋدا. تۇركيا رەسپۋبليكاسىندا كوروناۆيرۋس جۇقتىرۋشىلار سانىنىڭ وسۋىنە بايلانىستى ءبىزدىڭ ەلدە مەملەكەتتىك شەكارادا سانيتارلىق-كارانتيندىك باقىلاۋ كۇشەيتىلدى، تۇركيامەن حالىقارالىق رەيستەر قىسقارتىلدى. بۇگىنگى كۇندە www.worldometers دەرەكتەرى بويىنشا الەمدە 139 ملن-نان استام COVID-19 جۇقتىرۋ جاعدايى تىركەلگەن، اۋرۋ ءوسىمى – 0,6. كوز جۇمعاندار سانى – 2 984 721 ادام، ءولىم كورسەتكىشى– 2,1%.
1 ميلليون ادامعا قايتا ەسەپتەگەندە ەڭ ناشار جاعداي چەحيادا، وندا كورسەتكىش 148,269, اقش-تا - 96,682, فرانتسيادا - 78,759, تۇركيادا - 47,331, گەرمانيادا - 36483 بولدى.
پاندەميا باستالعالى قازاقستان رەسپۋبليكاسى بۇل رەيتينگىدە 1 ميلليون تۇرعىنعا شاققاندا 14,565 ينديكاتورىمەن 110-ورىندى يەلەندى، COVID-19-دان قايتىس بولعاندار سانى بويىنشا قازاقستان الەمدە 107 ورىندا، كوروناۆيرۋس ينفەكتسياسىنان ساۋىعىپ شىققاندار ۇلەسى 98,4%-دى قۇرايدى. حالىقتى كۆي تەستىلەرمەن قامتۋ بويىنشا قازاقستان الەمدىك رەيتينگىدە 71-ءشى ورىندا.
ەپيدەميولوگيالىق جاعدايدى تۇراقتاندىرۋ ءۇشىن قازاقستان ۇكىمەتى شەكتەۋ شارالارىنىڭ كەشەنىن جۇزەگە اسىرۋدا، سونداي-اق حالىقتى COVID-19-عا قارسى جاپپاي ۆاكتسينالاۋدى جۇرگىزۋدە. بۇگىنگى تاڭدا 560 مىڭنان استام ازامات ەگىلدى، كۇن سايىن 70 مىڭنان استام ادام ۆاكتسينالانادى.
1 اقپاننان باستاپ ايماقتارعا «سپۋتنيك V» ۆاكتسيناسىنىڭ 922 مىڭ دوزاسى جەتكىزىلدى. وڭىرلەردە ۆاكتسينالاردىڭ 417 مىڭ دوزاسى بار. ءساۋىر ايىندا بارلىعى 2 ميلليوننان استام ادامدى ۆاكتسينالاۋ جوسپارلانعان، ياعني ءتيىستى كونتينگەنتتىڭ 23,4% -ىن قۇرايدى. وندىرۋشىلەرمەن جۇرگىزىلگەن كەلىسسوزدەردى ەسكەرە وتىرىپ، قازاقستاندا ءبىرىنشى جارتىجىلدىقتا 6 ميلليوننان استام ۆاكتسينا دوزاسىن قابىلداۋ جوسپارلانىپ وتىر، بۇل ءتيىستى كونتينگەنتتىڭ 64%-ىن قامتۋعا مۇمكىندىك بەرەدى».
بۇگىنگى كۇندە رەسپۋبليكا بويىنشا كۆي-عا قارسى يممۋنداۋ ناۋقانىنا 1281 ەگۋ كابينەتى تارتىلعان، ونىڭ ىشىندە 230 جىلجىمالى كوشپەلى ەگۋ پۋنكتىلەرى ساۋدا ورتالىقتارىندا، حالىق كوپ جينالاتىن جەرلەردە جانە شالعاي اۋدانداردا، ۇيىمداسقان ۇجىمداردا ۆاكتسيناتسيا جۇرگىزۋ ءۇشىن تارتىلعان. جىلجىمالى كوشپەلى ەگۋ پۋنكتىلەرىندە وقىتىلعان مەديتسينالىق قىزمەتكەرلەر بار، ارنايى توڭازىتقىش جابدىعىمەن جابدىقتالعان.
ايتا كەتۋ كەرەك، جالپى قر ۇكىمەتى قابىلداعان شارالار كەشەنى كورونوۆيرۋس ينفەكتسياسى بويىنشا الەمدىك رەيتينگىدە جاقسى كورسەتكىشتەرگە قول جەتكىزۋگە مۇمكىندىك بەردى.
