Älemdegı epidahual: Qazaqstan koronavirus jūqtyruşylar sany boiynşa älemdık reitingıde 110-orynda

Qazaqstan koronavirus jūqtyruşylar sany boiynşa älemdık reitingıde 110-orynda, dep habarlaidy «Adyrna» ūlttyq portaly QazAqparatqa sılteme jasap. Älemde koronavirus jūqtyru boiynşa jaǧdai älı de alaŋdatarlyq. AQŞ-ta bır täulıkte 76 myŋ jaŋa jaǧdai tırkeldı. Türkiia (62 myŋ jaŋa jaǧdai), Fransiia (43 myŋ), Germaniia (32 myŋ), Polşa (21 myŋ) siiaqty Europa elderınde koronavirus infeksiiasynyŋ ösımı baiqalady. Köptegen el ükımetterı şekteu şaralaryn küşeitu boiynşa şaralar qabyldauda. Türkiia Respublikasynda koronavirus jūqtyruşylar sanynyŋ ösuıne bailanysty bızdıŋ elde Memlekettık şekarada sanitarlyq-karantindık baqylau küşeitıldı, Türkiiamen halyqaralyq reister qysqartyldy. Bügıngı künde www.worldometers derekterı boiynşa älemde 139 mln-nan astam COVID-19 jūqtyru jaǧdaiy tırkelgen, auru ösımı – 0,6. Köz jūmǧandar sany – 2 984 721 adam, ölım körsetkışı– 2,1%. 1 million adamǧa qaita eseptegende eŋ naşar jaǧdai Chehiiada, onda körsetkış 148,269, AQŞ-ta - 96,682, Fransiiada - 78,759, Türkiiada - 47,331, Germaniiada - 36483 boldy. Pandemiia bastalǧaly Qazaqstan Respublikasy būl reitingıde 1 million tūrǧynǧa şaqqanda 14,565 indikatorymen 110-oryndy ielendı, COVID-19-dan qaitys bolǧandar sany boiynşa Qazaqstan älemde 107 orynda, koronavirus infeksiiasynan sauyǧyp şyqqandar ülesı 98,4%-dy qūraidy. Halyqty KVİ testılermen qamtu boiynşa Qazaqstan älemdık reitingıde 71-şı orynda. Epidemiologiialyq jaǧdaidy tūraqtandyru üşın Qazaqstan Ükımetı şekteu şaralarynyŋ keşenın jüzege asyruda, sondai-aq halyqty COVID-19-ǧa qarsy jappai vaksinalaudy jürgızude. Bügıngı taŋda 560 myŋnan astam azamat egıldı, kün saiyn 70 myŋnan astam adam vaksinalanady. 1 aqpannan bastap aimaqtarǧa «Sputnik V» vaksinasynyŋ 922 myŋ dozasy jetkızıldı. Öŋırlerde vaksinalardyŋ 417 myŋ dozasy bar. Säuır aiynda barlyǧy 2 millionnan astam adamdy vaksinalau josparlanǧan, iaǧni tiıstı kontingenttıŋ 23,4% -yn qūraidy. Öndıruşılermen jürgızılgen kelıssözderdı eskere otyryp, Qazaqstanda bırınşı jartyjyldyqta 6 millionnan astam vaksina dozasyn qabyldau josparlanyp otyr, būl tiıstı kontingenttıŋ 64%-yn qamtuǧa mümkındık beredı». Bügıngı künde respublika boiynşa KVİ-ǧa qarsy immundau nauqanyna 1281 egu kabinetı tartylǧan, onyŋ ışınde 230 jyljymaly köşpelı egu punktılerı sauda ortalyqtarynda, halyq köp jinalatyn jerlerde jäne şalǧai audandarda, ūiymdasqan ūjymdarda vaksinasiia jürgızu üşın tartylǧan. Jyljymaly köşpelı egu punktılerınde oqytylǧan medisinalyq qyzmetkerler bar, arnaiy toŋazytqyş jabdyǧymen jabdyqtalǧan. Aita ketu kerek, jalpy QR Ükımetı qabyldaǧan şaralar keşenı koronovirus infeksiiasy boiynşa älemdık reitingıde jaqsy körsetkışterge qol jetkızuge mümkındık berdı.