تاياۋدا وبلىس اكىمى، «Nur Otan» پارتياسى الماتى وبلىستىق فيليالىنىڭ توراعاسى ا.باتالوۆتىڭ توراعالىعىمەن وبلىستىق ساياسي كەڭەس بيۋروسىنىڭ وتىرىسى ءوتتى.
كۇن تارتىبىندەگى نۇروتاندىقتار بىرقاتار سۇراقتار بويىنشا بيۋرو مۇشەلەرىنىڭ داۋىس بەرۋىمەن قۇجاتتار، كەستەلەر بەكىتىلدى.
اتاپ ايتساق، «Nur Otan» پارتياسى الماتى وبلىستىق فيليالىنىڭ XحVIII ەسەپ بەرۋ-سايلاۋ كونفەرەنتسياسىن شاقىرۋ، كۇن ءتارتىبىن جانە دەلەگاتتاردى سايلاۋ جونىندەگى كۆوتا، سونىمەن قاتار ءبىزدىڭ وبلىستىق سايلاۋالدى باعدارلاماسىنىڭ باعىتتارى بويىنشا ايماقتىق قوعامدىق كەڭەستەردىڭ توراعالارىن، قۇرامدارىن جانە ەرەجەلەرىن بەكىتىپ، الداعى ماقساتتارى انىقتالدى.
نازارلارىڭىزعا سالا كەتسەك، پارتيانىڭ ساياسي كەڭەس بيۋروسىنىڭ شەشىمىمەن تاراتىلعان پارتيالىق كۋراتورلار ينستيتۋتىنىڭ ورنىنا «Nur Otan»-نىڭ سايلاۋالدى باعدارلاماسىنىڭ ناقتى باعىتتارىنىڭ ىسكە اسىرىلۋىن باقىلاۋ بويىنشا 14 رەسپۋبليكالىق قوعامدىق كەڭەس قۇرىلدى. ال وڭىرىمىزدە 12 قوعامدىق كەڭەس قۇرىلدى. جيىندا وبلىستىق پارتيا فيليالى توراعاسىنىڭ ءبىرىنشى ورىنباسارى گۇلنار تويلىباەۆا كەڭەستەردىڭ ماقسات-مىندەتتەرىنە توقتالىپ ءوتتى.
-كەڭەستىڭ مىندەتتەرى مەن ماقساتى پارتيانىڭ سايلاۋالدى باعدارلاماسىن ساپالى ىسكە اسىرۋ جانە ءار باعىتتى ۋاقىتىلى باقىلاۋ. كوعامدىق كەڭەستەردىڭ ەرەجەلەرىنە سايكەس وتىرىس توقسانىنا ءبىر رەت وتكىزىلەدى. كەڭەستەردىڭ ساپالىق قۇرامدارىندا ايەلدەردىڭ 30 % جانە 35 جاسقا دەيىنگى جاستاردىڭ 20 % قۇرامدارى ەسكەرىلدى. كەڭەس قۇرامدارىنا باسقا ۇلت وكىلدەرى جانە پارتيا جاقتاستارى ەنگىزىلدى. جالپى كەڭەستەردىڭ قۇرامدارىنا ءماسليحات دەپۋتاتتارى، كادرلىق رەزەرۆتە تۇرعان كانديداتتار، ۇكىمەتتىك ەمەس ۇيىمدار، قوعامدىق بىرلەستىكتەرىنىڭ وكىلدەرى ەنگىزىلدى، - گ.تويلىباەۆا.
اتاپ ايتساق، قوعامدىق كەڭەس توراعالارىنا كەلەسى ازاماتتار بەكىتىلدى: وڭىرلىك دامۋ بويىنشا – رۋسلان قوجاسباەۆ، اگرارلىق سەكتور بويىنشا – ەلدوس ۇشكەمپىروۆ، ەكونوميكانى دامىتۋ جانە كاسىپەرلىكتى قولداۋ بويىنشا – گۇلميرا احمەتوۆا، وتباسى، ايەلدەر جانە بالالاردىڭ قۇقىقتارىن قورعاۋ ماسەلەلەرى بويىنشا – سەرىك مۇقانوۆ، ءبىلىم مەن عىلىمدى دامىتۋ بويىنشا گۇلجان ەرۋباەۆا، ۇلت دەنساۋلىعى ماسەلەلەرى بويىنشا گۇلنار قۇرامەتوۆا، مادەنيەت پەن ونەردى دامىتۋ «ميراس» قوعامدىق كەڭەسىنە – ءنۇسىپباي ابدراحيم، ەكولوگيا ماسەلەلەرى بويىنشا – مۇرات اۋباكيروۆ، جۇمىسپەن قامتۋدى جانە حالىقتىڭ الەۋمەتتىك وسال توپتارىن قولداۋ بويىنشا – اسەت قىدىرمانوۆ، جاستاردى قولداۋ بويىنشا اسەل تولەپبەرگەنوۆا، پارتيانىڭ باقىلاۋ كوميسسياسى بويىنشا – قۋات بايمىرزاەۆ، سىبايلاس جەمقورلىققا قارسى ءىس-قيمىل قوعامدىق كەڭەسىنە – ريمما سالىكوۆا جەتەكشىلىك ەتەدى.
سوڭعى قارالعان سۇراق، ول وبلىستىق جانە اۋدان-قالالىق پارتيا فيليالدارىنىڭ ساياسي كەڭەس بيۋرو وتىرىستارىنىڭ جانە باستاۋىش پارتيا ۇيىمدارىنىڭ ەسەپ بەرۋ-سايلاۋ جينالىستارىنىڭ، ەسەپ بەرۋ- سايلاۋ كونفەرەنتسيالارىنىڭ وتكىزۋ كەستەسى بەكىتىلدى.
