2020 جىلعى 11 جەلتوقسان كۇنى تۇركىستان وبلىسى قازىعۇرت تاۋىنىڭ ەتەگىندەگى "كەمە قالعان"الاڭىندا "اۋىلدىقتار اتقا قوندى، قولدايىق!" اتتى اكتسياسى وتكىزىلىپ، قازاقستان رەسپۋبليكاسى پارلامەنتى ءماجىلىسى مەن ءماسليحات دەپۋتاتتارىن سايلاۋ ناۋقانىنىڭ سيمۆوليكالىق تۇردە باستالعانىن جاريالادى، دەپ حابارلايدى "ادىرنا" ۇلتتىق پورتالى پارتيانىڭ ءباسپاسوز قىزمەتىنە سىلتەمە جاساپ.
ءىس-شاراعا قر پارلامەنتى ءماجىلىسىنىڭ دەپۋتاتتىعىنا كانديداتتار: ت.س.راحيمبەكوۆ، ك. ك. ايتۋعانوۆ، ب. تولەگەن، ز. ا. الىپبەكوۆ، د. كاپۇلى، ك. ا. ارالبەكوۆا، ن. گ. ارسيۋتين، ا. ا. ساتىبالدين، د. ك. قۋاتوۆ جانە ب. د. قىستاۋوۆ قاتىستى.
"اۋىل" پارتياسىنىڭ توراعاسى ءالي بەكتاەۆ، قر پارلامەنتى ءماجىلىسىنىڭ دەپۋتاتتىعىنا كانديدات قارلىعاش ارالبەكوۆا، پارلامەنت ءماجىلىسىنىڭ دەپۋتاتتىعىنا كانديدات، اقىن جانە جازۋشى داۋلەتكەرەي كاپۇلى قۇتتىقتاۋ ءسوز سويلەدى.
"اڭىز بويىنشا، ادامزاتتى سۋ تاسقىنىنان قۇتقارعان نۇح كەمەسى وسى جەرگە توقتادى. ادامزات بالاسىنىڭ ءوسىپ-ءونۋى ءدال وسى جەردەن باستاۋ الادى. سوندىقتان قاسيەتتى قازىعۇرت جەرىن جاڭعىرۋ جانە جاڭارۋ مەكەنى دەپ اتاۋعا بولادى. سول سەبەپتى "اۋىل" پارتياسى ءوزىنىڭ ۇگىت-ناسيحات ناۋقانىن وسى جەردەن باستاۋدى ۇيعاردى.
"اتقا قونۋ" ۇعىمى حالقىمزدىڭ مۇددەلەرىن قورعاۋ ءۇشىن كۇش جۇمىلدىرۋدى بىلدىرەدى. اتقا قونعاندار جاقسىلىقتىڭ جارشىسى، پارتيانىڭ جوسپارلارى مەن ۇسىنىستارىنىڭ حابارشىسى بولادى. سوندىقتان بارلىق كانديداتتاردىڭ ءبىرىنشى كەزەكتەگى مىندەتى پارتيانىڭ سايلاۋالدى باعدارلاماسىن ءاربىر اۋىلعا، ءاربىر قازاقستاندىققا جەتكىزۋ" - دەپ اتاپ ءوتتى ءا. بەكتاەۆ.
اقساقالداردىڭ اتىنان مەملەكەت جانە قوعام قايراتكەرى، "اۋىل" پارتياسىنىڭ تۇركىستان وبلىسى بويىنشا وڭىرلىك فيليالىنىڭ باسشىسى يسمات تۇرسىنقۇلۇلى تىلەك ءبىلدىردى.
قازاقستاندىق ەسترادا وكىلدەرى - جۇبانىش جەكسەنۇلى، مەيرامكۇل تانتاباەۆا، باكىر بەكتۇروۆ، "مەگاپوليس" تريوسى، پاۆەل كيم اۋىل جايلى، وتانعا دەگەن سۇيىسپەنشىلىك تۋرالى اندەر شىرقادى.
ءىس-شارا "اۋىلدىقتار اتقا قوندى"شەرۋىمەن اياقتالدى.
ەستەرىڭىزگە سالا كەتەيىك، "اۋىل" پارتياسى ءوزىنىڭ سايلاۋالدى باعدارلاماسىن قالىپتاستىرۋ الدىندا "ەل اماناتى"اتتى جالپىۇلتتىق ساۋالناما جۇرگىزىپ، ءاربىر قازاقستاندىقتىڭ ۇسىنىستارى مەن پروبلەمالىق ماسەلەلەرىن قاراستىرعان بولاتىن. ەل-جۇرتتان جينالعاننىڭ بارلىق ماسەلەلەردى "اۋىل" پارتياسى امانات رەتىندە ءوز نۇسقاۋلىعىنا الدى.
