Taıaýda oblys ákimi, «Nur Otan» partııasy Almaty oblystyq fılıalynyń tóraǵasy A.Batalovtyń tóraǵalyǵymen oblystyq Saıası keńes Bıýrosynyń otyrysy ótti.
Kún tártibindegi nurotandyqtar birqatar suraqtar boıynsha Bıýro músheleriniń daýys berýimen qujattar, kesteler bekitildi.
Atap aıtsaq, «Nur Otan» partııasy Almaty oblystyq fılıalynyń XHVIII esep berý-saılaý Konferenııasyn shaqyrý, kún tártibin jáne delegattardy saılaý jónindegi kvota, sonymen qatar bizdiń oblystyq Saılaýaldy baǵdarlamasynyń baǵyttary boıynsha aımaqtyq qoǵamdyq keńesterdiń tóraǵalaryn, quramdaryn jáne erejelerin bekitip, aldaǵy maqsattary anyqtaldy.
Nazarlaryńyzǵa sala ketsek, partııanyń Saıası keńes Bıýrosynyń sheshimimen taratylǵan partııalyq kýratorlar ınstıtýtynyń ornyna «Nur Otan»-nyń saılaýaldy baǵdarlamasynyń naqty baǵyttarynyń iske asyrylýyn baqylaý boıynsha 14 respýblıkalyq qoǵamdyq keńes quryldy. Al óńirimizde 12 qoǵamdyq keńes quryldy. Jıynda oblystyq partııa fılıaly tóraǵasynyń birinshi orynbasary Gúlnár Toılybaeva keńesterdiń maqsat-mindetterine toqtalyp ótti.
-Keńestiń mindetteri men maqsaty partııanyń Saılaýaldy baǵdarlamasyn sapaly iske asyrý jáne ár baǵytty ýaqytyly baqylaý. Koǵamdyq keńesterdiń Erejelerine sáıkes otyrys toqsanyna bir ret ótkiziledi. Keńesterdiń sapalyq quramdarynda áıelderdiń 30 % jáne 35 jasqa deıingi jastardyń 20 % quramdary eskerildi. Keńes quramdaryna basqa ult ókilderi jáne partııa jaqtastary engizildi. Jalpy Keńesterdiń quramdaryna máslıhat depýtattary, kadrlyq rezervte turǵan kandıdattar, úkimettik emes uıymdar, qoǵamdyq birlestikteriniń ókilderi engizildi, - G.Toılybaeva.
Atap aıtsaq, qoǵamdyq keńes tóraǵalaryna kelesi azamattar bekitildi: óńirlik damý boıynsha – Rýslan Qojasbaev, agrarlyq sektor boıynsha – Eldos Úshkempirov, ekonomıkany damytý jáne kásiperlikti qoldaý boıynsha – Gúlmıra Ahmetova, otbasy, áıelder jáne balalardyń quqyqtaryn qorǵaý máseleleri boıynsha – Serik Muqanov, bilim men ǵylymdy damytý boıynsha Gúljan Erýbaeva, ult densaýlyǵy máseleleri boıynsha Gúlnár Qurametova, mádenıet pen ónerdi damytý «Mıras» qoǵamdyq keńesine – Núsipbaı Abdrahım, ekologııa máseleleri boıynsha – Murat Aýbakırov, jumyspen qamtýdy jáne halyqtyń áleýmettik osal toptaryn qoldaý boıynsha – Áset Qydyrmanov, jastardy qoldaý boıynsha Ásel Tólepbergenova, partııanyń baqylaý komıssııasy boıynsha – Qýat Baımyrzaev, sybaılas jemqorlyqqa qarsy is-qımyl qoǵamdyq keńesine – Rımma Salykova jetekshilik etedi.
Sońǵy qaralǵan suraq, ol oblystyq jáne aýdan-qalalyq partııa fılıaldarynyń Saıası keńes Bıýro otyrystarynyń jáne bastaýysh partııa uıymdarynyń esep berý-saılaý jınalystarynyń, esep berý- saılaý Konferenııalarynyń ótkizý kestesi bekitildi.
