ساتۋرندى اينالىپ جۇرگەن "كاسسيني" عارىش زوندى عالامشاردىڭ تاعامعا ۇقساس سەرىگىن سۋرەتكە ءتۇسىرىپ الدى. سۋرەتتەر NASA سايتىندا جاريالاندى، - دەپ حابارلايدى ريا نوۆوستي. ساتۋرن سەرىگىنە پان اتاۋى بەرىلگەن.
باق وكىلدەرى پان سەرىگىنىڭ ءپىشىنىن قاتىرىلعان راۆيولي جانە تۇشپاراعا ۇقساتتى. "ونىڭ دوڭگەلەك راۆيوليعا ۇقساۋ سەبەبى بەلگىسىز، راديوبەلسەندى بولشەكتەر اسەرىنەن بولۋى مۇمكىن", - دەپ جازىتى Business Insider باسىلىمى.
"كاسسيني" زوندىنىڭ عارىشتا ۇشىپ جۇرگەنىنە 20 جىل بولدى، ال 2016 جىلى ونى ساتۋرن ساقيناسىن زەرتتەۋگە پايدالانعان. قۇرىلعى ءار جەتى كۇن سايىن ساقينالاردىڭ زەرتتەلمەگەن تۇسىنا جاقىن كەلەدى. NASA مالىمەتى بويىنشا، عارىش اپپاراتىنىڭ جانارمايى تاۋسىلۋعا جاقىن، وسى سەبەپتى كەلەسى جىلى ول قىزمەتىن توقتاتادى. عالىمدار ەسەبى بويىنشا، 2017 جىلدىڭ 15 قىركۇيەگىندە زوند ساتۋرن اتموسفەراسىنا كىرىپ، سول جەردە جويىلادى. وسىلايشا، عالىمدار تىرشىلىك بار بولۋى مۇمكىن عالامشارلاردى اپپارات سىنىقتارىنىڭ قۇلاۋىنان ساقتاپ قالماق. "كاسسيني" زوندى NASA, ەۋروپالىق جانە يتاليا عارىش اگەنتتىكتەرىنىڭ بىرىككەن جوباسى. ول 1997 جىلى عارىشقا ۇشىرىلىپ، 2004 جىلى ساتۋرنعا جاقىنداعان. سودان بەرى 12 جىل اپپارات ساتۋرندى، ونىڭ ساقينالارى مەن ايلارىن زەرتتەۋگە پايدالانىلىپ كەلدى. "كاسسيني" ارقىلى بىرقاتار عىلىمي جاڭالىقتار اشىلعان.
"ادىرنا". كز
