Satýrndy aınalyp júrgen "Kassını" ǵarysh zondy ǵalamshardyń taǵamǵa uqsas serigin sýretke túsirip aldy. Sýretter NASA saıtynda jarııalandy, - dep habarlaıdy RIA Novostı. Satýrn serigine Pan ataýy berilgen.
BAQ ókilderi Pan seriginiń pishinin qatyrylǵan ravıolı jáne tushparaǵa uqsatty. "Onyń dóńgelek ravıolıǵa uqsaý sebebi belgisiz, radıobelsendi bólshekter áserinen bolýy múmkin", - dep jazyty Business Insider basylymy.
"Kassını" zondynyń ǵaryshta ushyp júrgenine 20 jyl boldy, al 2016 jyly ony Satýrn saqınasyn zertteýge paıdalanǵan. Qurylǵy ár jeti kún saıyn saqınalardyń zerttelmegen tusyna jaqyn keledi. NASA málimeti boıynsha, ǵarysh apparatynyń janarmaıy taýsylýǵa jaqyn, osy sebepti kelesi jyly ol qyzmetin toqtatady. Ǵalymdar esebi boıynsha, 2017 jyldyń 15 qyrkúıeginde zond Satýrn atmosferasyna kirip, sol jerde joıylady. Osylaısha, ǵalymdar tirshilik bar bolýy múmkin ǵalamsharlardy apparat synyqtarynyń qulaýynan saqtap qalmaq. "Kassını" zondy NASA, Eýropalyq jáne Italııa ǵarysh agenttikteriniń birikken jobasy. Ol 1997 jyly ǵaryshqa ushyrylyp, 2004 jyly Satýrnǵa jaqyndaǵan. Sodan beri 12 jyl apparat Satýrndy, onyń saqınalary men aılaryn zertteýge paıdalanylyp keldi. "Kassını" arqyly birqatar ǵylymı jańalyqtar ashylǵan.
"Adyrna". kz
