ەكىنشى دۇنيەجۇزىلىك سوعىستا جەڭىلگەن گەرمانيانى سسسر، امەريكا، انگليا جانە فرانتسيا تورتكە ءبولىپ الادى. كەيىننەن سسسر-ءدىڭ تەرريتورياسىندا گدر، قالعان ءۇش ەل ءوز تەرريتوريالارىن قوسىپ فرگ دەگەن ەل جاساپ الادى.
امەريكانىڭ مەملەكەتتىك حاتشىسى دجوردج مارشالل 1947-دە سوعىستان قاجىعان باتىس ەۋروپانى قالپىنا كەلتىرۋ ءۇشىن ءوز باعدارلاماسى مەن بايانداماسىن ايتادى. باتىس ەۋروپاداعى 17 ەل كومەكتى قابىلداۋعا دايىن بولادى. شىعىس ەۋروپا سسسر-ءدىڭ قاراماعىندا بولىپ باعدارلاماعا قاتىسا الماي قالدى.
ءار ەلدىڭ ەكونوميكاسىن زەرتتەپ كىمگە قانداي كومەك كەرەك ەكەندىكتەرىن انىقتايدى. سوعان سايكەس امەريكا 13 ميلليارد دوللار اقشا بولەدى. انگلياعا 2.8 ميلليارد دوللار، فرانتسياعا 2.5 ميلليار دوللار، گەرمانيا مەن يتالياعا 1.3 ميلليارد دوللار كولەمىندە قارجىلاي كومەك كورسەتەدى. كومەكتىڭ ءبىر شارتى ەلدەرىندەگى كوممۋنيستىك پارتيالاردى ۇكىمەتتەن شىعارۋلارى كەرەك بولاتىن. 1948-دە باتىس ەۋروپادا بىردە-ءبىر ەلدە كوممۋنيستىك پارتيا بولمادى. مارشالل جوسپارى ارقىلى تەك باتىس ەۋروپا ەمەس، جاپونيا مەن شىعىس ازيانىڭ ءبىراز ەلدەرى دە كومەك الدى.
مارشالل پلانى الەمدەگى ەڭ ءتيىمدى جۇرگىزىلگەن ەكونوميكالىق باعدارلامالاردىڭ ءبىرى بولدى. ناتيجەسىندە ەۋروپا ەكونوميكاسى ۋاقىتىنان بۇرىن قالپىنا كەلدى. ىشكى قارىزدارىنان قۇتىلا الدى. كوممۋنيستتەر ەلدەن ءبىرجولا جوق بولدى. ەۋروپادا ورتا تاپ قالىپتاستى.
سابيت رىسباەۆ،
"ادىرنا" ۇلتتىق پورتالى
