گەرمانيانىڭ بىرنەشە قالاسىندا "گەرمانياعا بالاما" پارتياسىنا قارسى جاپپاي نارازىلىق بولىپ ءوتتى، دەپ حابارلايدى "ادىرنا" ءتىلشىسى dzen.ru-عا سىلتەپ.
بەرلين، پوتسدام، كەلن قالاسىندا قۇرامىندا نەو-ناتسيستەردىڭ بولۋىنا بايلانىستى جاپپاي نارازىلىق ۇيىمداستىرىلدى. بۇل اكتسيا وتە اۋقىمدى بولدى.
– گامبۋرگتە وتكەن دەمونستراتسيادا جۇرتتىڭ كوپ جينالعانى سونشالىق، ۇيىمداستىرۋشىلار قاۋىپسىزدىك ءۇشىن ونى مەرزىمىنەن بۇرىن توقتاتۋعا ءماجبۇر بولدى، – دەيدى جەرگىلىكتى قۇقىق قورعاۋ ورگاندارى.Welt باسىلىمىنىڭ اقپاراتىنشا، 144 مىڭنان استام ادام نەمىس قالالارىنىڭ كوشەلەرىنە نارازىلىق اكتسيالارىنا شىققان. 35 مىڭ ادام گاننوۆەردە جانە فرانكفۋرتتە، 20 مىڭ كارلسرۋەدە، 16 مىڭ گاللەدە، 12 مىڭ كاسسەلدە، 10 مىڭ ۋلمدە، 5 مىڭ كوبلەنتستە، 5 مىڭ فرايبۋرگتە، 6 مىڭ ەرفۋرتتا نارازىلىق بىلدىرگەن. گەرمانياداعى بۇل نارازىلىق ۋلتراوڭشىلدار مەن نەو-ناتسيستەردىڭ "گەرمانياعا بالاما" (ADH) جوعارى دارەجەلى مۇشەلەرىمەن قۇپيا كەزدەسۋىنەن كەيىن باستالعان. ولار ادگ-نىڭ وڭشىل پارتياسىنا تىيىم سالۋدى كوزدەگەنى ايتىلۋدا.
ۇقساس جاڭالىقتار
