ورازا كوروناۆيرۋس جۇقتىرۋىمىزعا اسەر ەتە مە؟ مەديتسينا سالاسىنىڭ ماسەلەسىن كوتەرىپ جۇرگەن مامان سەرىك مۇراتحان وسى تاقىرىپ توڭىرەگىندە ءوز facebook پاراقشاسىندا پوست جازادى، دەپ حابارلايدى "ادىرنا" ۇلتتىق پورتالى.
«ەپيدەميولوگيالىق جاعداي بارعان سايىن كۇشەيىپ بارادى. بۇل بيىلعى جاعداي وتكەن جىلعى كارانتين مەزگىلمەن ۇقسامايدى. «ادام ءۇش كۇننەن سوڭ كورگە دە ۇيرەنەدى!» دەگەندەي جۇرت بارىنە ۇيرەنىپ بارادى. سونىڭ ىشىندە ولىمگە دە...
كوۆيد-19 ادامعا قالاي اسەر ەتەدى؟
وسى جايلى وتكەن جىلى ونداعان پوست جازدىم.
ەندى بيىل ونى قايتالاپ وتىرعىم كەلمەيدى. بىراق تومەندەگى بىرنەشە جاعدايدى قايتالاپ ەسكە سالعىم كەلەدى.
ءبىرىنشى: «پنەۆمونيادان ءولدى!»دەپ جۇرگەندەر سول كوۆيد-19 دەن ولگەن ادامدار. دۇنيە جۇزىندە قازاقستاننان باسقا ەل ارناۋلى بولەك ستاتۋسى بار ەپيدەميولوگيا جاريالاعان جوق. كوۆيد-19 قانداعى قىزىل قان كلەتكاعا شابۋىل جاساپ، ادام دەنەسىندە وتتەگى تاسىمالداۋعا كەدەرگى جاساپ، وتتەگى تاپشىلىعىن تۋدىرادى. سوعان ادام ورگانيزمى قارسى كۇرەس جاساپ، وتتەگى جەتىسپەۋشىلىگىن ەڭسەرۋ ءۇشىن قاندا لەيكوتسيتى كوبەيەدى. قان شامادان تىس قويۋلانا باستايدى.
ال وكپەدەگى وتتەگىن وكپە بەتىندەگى ۇقساق كاپيلليار ارقىلى ءسىڭىرىپ، وتتەگى الاتىن جۇيە، قان قويۋلانۋ كەسىرىنەن وكپە بەتىندەگى ۇقساق كاپيللياردا قان ۇيىپ اينالىس توقتايدى. وسى كەزدە ادامداردا تۇنشىعۋ، ەنتىگۋ پايدا بولادى. مي وتتەگى جەتىسپەۋشىلىگىن ەڭسەرۋ ءۇشىن ءۇستى-ۇستىندە كوماندا بەرەدى...
سول كەزدە ادام ودان ءارى قاراي كۇشپەن تىنىس الا باستايدى. الايدا وتتەگى تاسىمالداۋ كاپيلليار قان تامىرىندا اينالىس جوق بولعاندىقتان ودان ءارى قاراي قيىندايدى. وسى كەزدە وعان كومەك بەرۋ ءۇشىن دارىگەر ناۋقاستارعا اپپارات يۆل قوسىپ، وتتەگى كونتسەنتراتسياسىن كوبەيتۋگە تىرسادى... اينالايىن-اۋ، 100% وتتەگىمەن تىنىس الىپ، جاساندى جەلدەتۋ اپپاراتتارىمەن جەلدەپ جاتساڭ دا تۇنشىعا بەرەسىڭ. ويتكەنى وكپەدەگى ۇساق كاپيلليار قان تامىرلار ىستەن شىقسا، وكپەڭە وتتەگى بارعانى نە كەرەك؟
اياعىندا وتتەگى جەتپەي ولەسىڭ سارعايىپ...»، - دەيدى مەديتسينا سالاسىنىڭ مامانى سەرىك مۇراتحان.
ماماننىڭ ايتۋىنشا، پنەۆمونيانىڭ اسىرەسە قانى قويۋ ادامدار ءۇشىن قاۋىپتى بولىپ وتىر.
«ەكىنشى سۋ از تۇتىنۋ، قان مايلاسۋ، قاننىڭ قۇرامىندا ساحار ياعني قانت كوپ بولۋى،(ساحارنىي ديابەت), بۇيرەك جەتكىلىكسىزدىك اۋرۋى ءبارى-ءبارى قاۋىپتى زونادا تۇرعان ادامدار. ويتكەنى بۇلاردا قان قويۋ. قان قويۋلىق ول اياعى جوعارى ءبىرىنشى ايتقان جاعدايعا الىپ كەلەدى. جوعارعى ءبىرىنشى جاعداي تۋىنداعاندا جۇرەگىندە قيىندىق بار ادامدار الدىمەن كەتەدى. ميدا وتە ۇساق قان تامىرلار ورنالاسقان. كوۆيدسىز اق كوپ قازاق ميىنا قان ۇيۋدان كەتەدى. كوۆيد ونى ءتىپتى تەزدەتىپ تۇسەدى...
ءۇشىنشى, كوكتەم - يممۋنيتەت ازايىپ، ءارتۇرلى ماۋسىمدىق جۇقپالى اۋرۋلار كوبەيەتىن شاق. قازاقستان كوپتەگەن جەرىندە قۇرعاق، اڭىزعاق جەل بولادى. ادامنىڭ ءوزى تەر ارقىلى كوپ سۋسىزدانادى...
وسىنداي ۆيرۋس تاراپ جاتقان كەزدە، جانە ول ۆيرۋس قان قويۋلانعان جاعدايدا قاۋىپتى بولىپ تۇرعان كەزدە ورازا ۇستاپ، اي بويى سۋسىزدانىپ، قاندى قويۋلاتۋ - كوۆيد-19 جۇقتىرىپ الۋ قاۋپىن كۇشەيتەدى. ول كەزدە ساعان ەشكىم كومەكتەسپەيدى»، - دەپ اتاپ وتكەن جازبا اۆتورى.
