اۋىلدا ەڭبەك ەتكىسى كەلەتىن دارىگەرلەرگە 306 مىڭ تەڭگە مەن ءۇي الۋعا 4,6 ملن تەڭگە كولەمىندە جاردەماقى قاراستىرىلعان. بۇل تۋرالى دەنساۋلىق ساقتاۋ ءمينيسترى اجار عينيات ايتتى، دەپ حابارلايدى “ادىرنا” ۇلتتىق پورتالى.
اجار عينياتتىڭ ايتۋىنشا، مەملەكەتتىك ءبىلىم بەرۋ تاپسىرىسى ەسەبىنەن مەديتسينالىق ماماندىقتار بويىنشا ءبىلىم العان جاستار 3 جىل مىندەتتى جۇمىس مەرزىمىن وتەيدى. 2012 جىلى بۇل نورما «ءبىلىم تۋرالى» زاڭعا ەنگىزىلگەن.
مينيستر اۋىلعا مەديتسينا كادرلارىن تارتۋ ماسەلەسىنە توقتالدى.
“اۋىلدا جۇمىسقا ورنالاسقان مەديتسينا قىزمەتكەرلەرىن قولداۋ ءۇشىن رەسپۋبليكالىق بيۋدجەتتەن 100 اەك (306 300 تەڭگە، 1 اەك – 3 مىڭ 63 تەڭگە) جانە 1500 اەك (4 ملن 594 مىڭ 500 تەڭگە) باسپانالى بولۋعا جاردەماقى كوزدەلگەن (ۇكىمەتتىڭ 2009 جىلعى 18 اقپانداعى №183 قاۋلىسى). سونداي-اق جەرگىلىكتى بيۋدجەتتەن ەلدى مەكەندەردەگى مامانداردى ىنتالاندىرۋ ءۇشىن ءار دارىگەرگە 1-2 ملن تەڭگە بولىنەدى. مىسالى، قوستاناي اكىمدىگىمەن 5 ملن تەڭگە، سولتۇستىك قازاقستان اكىمدىگىمەن 3 ملن تەڭگەگە دەيىن كوتەرمە تولەمدەر تولەنەدى”، - دەدى اجار عينيات.
ناتيجەسىندە 2020-2021 جىلى اۋىلداعى دەنساۋلىق ساقتاۋ ۇيىمدارىنا 1322 تۇلەك جۇمىسقا ورنالاسقان. بۇل جۇمىسقا تارتىلعانداردىڭ – 94%.
«بيىل اۋىلدارعا مەديتسينالىق ءبىلىمى بار 797 تۇلەك جولداندى. اۋىلدا كادرلاردى بەكىتۋ ماڭىزدى ماسەلە بولىپ سانالادى. سوندىقتان مەديتسينالىق كادر تاپشىلىعىن تومەندەتۋ ءۇشىن جەرگىلىكتى اكىمدىكتەر كادرلاردى تارتۋ جانە الەۋمەتتىك قولداۋ جۇمىستارىن كۇشەيتىپ، جالعاستىرۋ قاجەت»، - دەدى مينيستر
”ادىرنا” ۇلتتىق پورتالى
