الماتىدا ەسىرتكىنى كەپىلگە قويۋشى بولىپ جۇمىس ىستەگەن 20 جانە 22 جاستاعى ەكى جاس جىگىت ۇستالدى، دەپ حابارلايدى "ادىرنا" ۇلتتىق پورتالى. بۇل تۋرالى Polisia.kz جازدى.
ء"بىزدىڭ ءبولىمنىڭ قىزمەتكەرلەرى كۇدىكتىلەردى تاڭعى التىدا كوكتەم ىقشاماۋدانىندا قولعا ءتۇسىرۋ بويىنشا ارنايى وپەراتسيا جۇرگىزىپ، ناتيجەسىندە 2000 جىلى تۋىلعان ازامات ك. جانە 1999 جىلى تۋىلعان ازامات س. ۇستالدى. ولار بۇرىن ەسىرتكىمەن بايلانىستى قىلمىستارى ءۇشىن ۇستالىپ، جۋاپكەرشىلىككە تارتىلعان. پروتسەدۋرالىق تەكسەرىستە ولاردان 72 ۇنتاقتى زات انىقتالدى، ولاردىڭ قىلمىسقا قاتىستىلىعى قىلمىستىق ءىس شەڭبەرىندە تاعايىندالعان ساراپتامامەن انىقتالادى", دەدى بوستاندىق اۋداندىق پوليتسيا ءبولىمىنىڭ باستىعى عالىم قاسىمباەۆ.
تەرگەۋ امالدارى ءالى دە جالعاسۋدا.
"ادىرنا" ۇلتتىق پورتالى
