بۇگىن، 14 ماۋسىم پارلامەنت پالاتالارىنىڭ بىرلەسكەن وتىرىسى اياسىندا دەپۋتاتتار سوت جۇيەسى مەن سۋديالاردىڭ مارتەبەسى تۋرالى كونستيتۋتسيالىق زاڭ جوباسىن تانىستىردى، دەپ حابارلايدى “اديارنا” ۇلتتىق پورتالى.
زاڭ جوباسىن سەنات دەپۋتاتى نۇرلان بەكنازاروۆ تانىستىردى. ونىڭ ايتۋىنشا، جوبا سوت تورەلىگىن جۇزەگە اسىرۋدىڭ ساپاسىن قامتاماسىز ەتۋ جانە سۋديالاردىڭ كاسىبي دەڭگەيىن ارتتىرۋ ماقساتىندا ازىرلەنگەن.
زاڭ جوباسىنا تۇزەتۋلەر ءۇش بلوكقا بولىنەدى:
- تۇزەتۋلەردىڭ ءبىرىنشى بلوگى سوت ءجيۋريى جۇمىسىن جاقسارتۋعا باعىتتالعان;
- تۇزەتۋلەردىڭ ەكىنشى بلوگى سوت تورەلىگىن جۇزەگە اسىرۋ ساپاسى جونىندەگى كوميسسيا قىزمەتىن ۇيىمداستىرۋ ءتارتىبىن جانە قىزمەتىن وزگەرتۋگە باعىتتالعان;
- تۇزەتۋلەردىڭ ءۇشىنشى بلوگى سۋديالاردىڭ تاۋەلسىزدىگىن قامتاماسىز ەتۋ بولىگىندە ولاردىڭ قۇقعى مەن الەۋمەتتىك كەپىلدىكتەرىن نىعايتۋعا قاتىستى.
بەكنازاروۆتىڭ ايتۋىنشا، سوت ءىسىن قاراۋ كەزىندە زاڭدىلىقتى ورەسكەل بۇزۋدىڭ ءاربىر دەرەگى بويىنشا سوت ءجيۋريى سۋدياعا قاتىستى تارتىپتىك ءىس ماتەريالدارىن تەكسەرۋدىڭ جاڭا تەتىگىن ەنگىزەدى، بۇل سۋديالار تاراپىنان زاڭبۇزۋشىلىقتارعا نەعۇرلىم ءتيىمدى دەن قويۋعا مۇمكىندىك بەرەدى.
"جالپى وتىرىستىڭ كەز كەلگەن شەشىمىنە قاراماستان، ورەسكەل زاڭبۇزۋشىلىق دەرەكتەرى بويىنشا بارلىق ماتەريال تەكسەرۋ ءۇشىن سوت جيۋريىنە جىبەرىلەدى. قازىرگى ۋاقىتتا تارتىپتىك ءىس جۇرگىزۋدى قوزعاۋ تۋرالى شەشىمدەردى جوعارعى سوتتىڭ جانە وبلىستىق سوتتاردىڭ جالپى وتىرىستارى قابىلدايدى، ناتيجەسىندە ءىس جۇزىندە سوت جيۋريىنە مۇنداي زۆڭبۇزۋشىلىقتاردىڭ از عانا بولىگى قاراۋعا تۇسەدى", - دەپ اتاپ ءوتتى سەناتور.
سونىمەن قاتار، تارتىپتىك ىستەردى قاراۋ جۇكتەمەسىنىڭ بولجامدى ۇلعايۋىنا بايلانىستى سوت ءجيۋريىنىڭ قۇرامى 9-دان 15 مۇشەگە دەيىن ۇلعايادا، ونىڭ قۇرامىنا 13 سۋديا، سونداي-اق كەڭەسشى داۋىس قۇقىعى بار زاڭ قوعامداستىعىنىڭ ەكى وكىلى كىرەدى.
"تاجىريبەدە سۋديانىڭ قىزمەتىن باعالاۋدىڭ قايتالانۋى بولدى. كونستيتۋتسيالىق زاڭ جوباسىنا سايكەس سۋديانىڭ كاسىبي قىزمەتىن باعالاۋدى قولدانىستاعى نورمالاردا كوزدەلگەندەي جىلدىق قىزمەتتىڭ ناتيجەلەرى بويىنشا ەمەس، العاشقى ءۇش جىلدىڭ ناتيجەلەرى بويىنشا جۇرگىزۋ ۇسىنىلادى", - دەدى بەكنازاروۆ.
كونستيتۋتسيالىق زاڭ جوباسىندا وتستاۆكاداعى سۋديالاردىڭ ءومىر بويى جالاقىسىنىڭ مولشەرىنە قاتىستى تۇزەتۋلەر قاراستىرىلعان.
سونىمەن قاتار، زاڭ جوباسى سۋديانىڭ سوت جيۋريىنە جىبەرىلگەنگە دەيىن بارلىق ماتەريالمەن تانىسۋ مۇمكىندىگىنە، سونداي-اق سۋديانىڭ تارتىپتىك ءىستى نە ونىڭ وكىلىن قاراۋعا جەكە قاتىسۋى ارقىلى ونىڭ قۇقىقتارىن تولىق قورعاۋعا كەپىلدىك بەرەتىن نورمالارمەن تولىقتىرىلادى.
"قازاقستان رەسپۋبليكاسىنىڭ سوت جۇيەسى جانە سۋديالارىنىڭ مارتەبەسى تۋرالى "قازاقستان رەسپۋبليكاسىنىڭ كونستيتۋتسيالىق زاڭىنا وزگەرىستەر مەن تولىقتىرۋلار ەنگىزۋ تۋرالى" زاڭ جوباسى ءبىرىنشى وقىلىمدا ماقۇلداندى.
