قازاقستاندا كوروناۆيرۋسقا قارسى رەسەيلىك "سپۋتنيك-V" ۆاكتسيناسىن تولىقتاي ء(بىرىنشى جانە ەكىنشى كومپونەنتىن) قابىلداعاندار سانى (12 ساۋىردەگى كورسەتكىش بويىنشا) 105 مىڭ 392 ادامعا جەتتى. ونىڭ ىشىندە، 10 مىڭ 367-ءسى الماتى وبلىسىنىڭ تۇرعىنى.
ايتا كەتەيىك، ەكى كومپونەنتى بويىنشا تولىق ەكپە قابىلداعاندار سانى الماتى قالاسى مەن تۇركىستان وبلىسىندا كوپ. ودان كەيىنگى ورىنداردا الماتى وبلىسى جانە نۇر-سۇلتان قالاسى تۇر. ال ەڭ ازى ماڭعىستاۋ وبلىسىندا تىركەلگەن. الماتى وبلىسىندا ەكپەنىڭ ءبىرىنشى كومپونەنتىمەن وسى ۋاقىتقا دەيىن 32 مىڭ 651 ادام قامتىلعان. بۇل كورسەتكىش كۇننەن-كۇنگە وسۋدە. قازاقستانداعى زاڭناماعا سايكەس، ەكپە سالدىرۋ ەرىكتى بولىپ سانالادى.
ەسكە سالساق، قازاقستان پرەزيدەنتى كوروناۆيرۋستى جەڭۋدىڭ بىردەن-ءبىر جولى ەكپە سالدىرۋ ەكەنىن ايتقان بولاتىن. قازىرگى تاڭدا وبلىستا ۆيرۋس جۇقتىرۋ دەڭگەيى الدىڭعى اپتالارمەن سالىستىرعاندا ەكى ەسەگە وسكەن. ماسەلەن، وتكەن تاۋلىكتە الماتى وبلىسىندا 283 ادام كوروناۆيرۋسقا شالدىقتى.
