Qazaqstanda koronavirusqa qarsy reseilık "Sputnik-V" vaksinasyn tolyqtai (bırınşı jäne ekınşı komponentın) qabyldaǧandar sany (12 säuırdegı körsetkış boiynşa) 105 myŋ 392 adamǧa jettı. Onyŋ ışınde, 10 myŋ 367-sı Almaty oblysynyŋ tūrǧyny.
Aita keteiık, ekı komponentı boiynşa tolyq ekpe qabyldaǧandar sany Almaty qalasy men Türkıstan oblysynda köp. Odan keiıngı oryndarda Almaty oblysy jäne Nūr-Sūltan qalasy tūr. Al eŋ azy Maŋǧystau oblysynda tırkelgen. Almaty oblysynda ekpenıŋ bırınşı komponentımen osy uaqytqa deiın 32 myŋ 651 adam qamtylǧan. Būl körsetkış künnen-künge ösude. Qazaqstandaǧy zaŋnamaǧa säikes, ekpe saldyru erıktı bolyp sanalady.
Eske salsaq, Qazaqstan Prezidentı koronavirusty jeŋudıŋ bırden-bır joly ekpe saldyru ekenın aitqan bolatyn. Qazırgı taŋda oblysta virus jūqtyru deŋgeiı aldyŋǧy aptalarmen salystyrǧanda ekı esege ösken. Mäselen, ötken täulıkte Almaty oblysynda 283 adam koronavirusqa şaldyqty.
Ūqsas jaŋalyqtar
