ءبىلىم جانە عىلىم مينيسترلىگى مەكتەپكە دەيىنگى جانە ورتا ءبىلىم كوميتەتى توراعاسىنىڭ ورىنباسارى جومارت قارامباەۆ ءبىرىنشى توقساندا وقۋشىلاردىڭ قانداي فورماتتا ءبىلىم الاتىنىن ايتتى، دەپ حابارلايدى "ادىرنا" ۇلتتىق پورتالى.
"بۇل ەپيدەميولوگيالىق جاعدايعا بايلانىستى. شەشىمدى كوروناۆيرۋستى تاراتپاۋ جونىندەگى ۆەدومستۆوارالىق كوميسسيا شىعارىپ، ول شەشىم مەملەكەتتىك سانيتارلىق دارىگەردىڭ قاۋلىسىمەن بەكىتىلەدى. ەپيدەميولوگيالىق جاعداي جاقسارعان كەزدە مينيسترلىك ءداستۇرلى وقىتۋ فورماتىنا كوشۋگە دايىن.
قالىپتى وقۋ فورماتىنا اۋىسۋ ءۇشىن پەداگوگتەرگە ۆاكتسينا الۋ تالابى قويىلمايدى، مۇعالىمدەر ەرىكتى تۇردە ەكپە الىپ جاتىر. ەڭ باستىسى، ۇجىمدىق يممۋنيتەت قالىپتاسۋى كەرەك. سول ءۇشىن ۇستازداردىڭ 100 پايىز ۆاكتسينا العانى ءجون بولار ەدى", – دەدى ول.
"ادىرنا" ۇلتتىق پورتالى
