82 جاستاعى اجەي وقۋشىلارعا ونلاين ساباق بەرىپ ءجۇر

2811
Adyrna.kz Telegram

الەۋمەتتىك جەلىلەر مەن پلاتفورمالاردىڭ ءتىلىن مەڭگەرىپ، مەسسەندجەرلەردىڭ جىلىگىن شاققان كەيۋانا وقۋشىلارعا ونلاين ءدارىس وقىپ ءجۇر. 82 جاستاعى اجەي زامان كوشىنەن قالماۋدى ءجون كورىپتى. ابايدى زەرتتەپ، ۇلى اقىننىڭ ەڭبەكتەرىن وقۋشىلارعا تانىستىرامىن دەپ تالماي ەڭبەك ەتىپ ءجۇر.

سەكسەننىڭ سەڭگىرىنەن اسقان ارداگەر ۇستاز تۋرالى Stan.kz, ەۋرازيا ارناسىنا سىلتەپ جازدى. 60 جىل عۇمىرىن وقۋشىلارعا سارپ ەتكەن اجەي، بۇگىندە كوشتەن قالماس ءۇشىن تەحنولوگيانى دا جەتىك مەڭگەرگەن. وسىنىڭ ارقاسىندا كارانتين كەزىندەگى ونلاين دارىستەردى دە ءوز دەڭگەيىندە وتكىزىپ ءجۇر.

82 جاستاعى اقىليا بەكباەۆا قاراساي اۋدانىنداعى مەكتەپتە قازاق ءتىلى مەن ادەبيەتتەن ساباق بەرگەن مۇعالىم. وز ەشقاشان ىزدەنۋدەن، زەرتتەپ، وقۋدان جالىقپاعان. قازىرگى قىسىلتاياڭ ۋاقىتتا زاماناۋي تەحنولوگيانى دا مەڭگەرىپ وقۋشىلارىنا كۇندەلىكتى ءدارىسىن ونلاين تۇردە وقىتىپ ءجۇر. "سالەمەتسىڭدەر مە بالالار؟ بۇگىنگى تاقىرىبىمىز: اباي اتامىزدىڭ تولىق ادام تۋرالى ىلىمىنە
ءبىراز توقتايمىز".

قىركۇيەكتەن بەرى وقۋشىلارىن تەك كوميۋتەردىڭ سىرتىنان كورىپ، مەجەلەنگەن ۋاقىتتىڭ ىشىندە بارلىعىن تۇسىندىرۋگە تىرىساتىن ۇستاز اۋەل باستا تالاي قىزىقتى جايتتارعا دا تاپ بولعانىن جەتكىزدى. ءبىر تۇسىنگەنىم، تەحنولوگيامەن جۇمىس ىستەگەن كەزدە ارتىق سوزدەردى تيۋ قاجەت دەيدى.

"مىناۋ تەحنولوگيانى پايدالانىپ وتىرعاندا ءبىر ارتىق ءسوز دە كەتىپ قالۋى مۇمكىن. ونى كەيىن   وزىڭ تىڭداساڭ ءوزىڭ ۇيالىپ تا قالاسىڭ كەيدە. ارتىق ءسوز دە كەتىپ قالادى عوي. بۇل تەحنيكانىڭ اتى تەحنيكا باسىلىپ قالادى. ايتىلعان ءسوزىڭ، دەمالىسىڭ ءبارى", - دەيدى قارت ۇستاز اقىليا بەكباەۆا.

قازىرگى ۋاقىتتا اقىليا اجەي 11-سىنىپتىڭ وقۋشىلارىنا "اباي تانۋ" كۋرسىن وتكىزەدى. وندى ۇلى اقىننىڭ شىعارماشىلىعى مەن عۇمىرى تۋرالى وقۋشىلارعا مەيىلىنشە تەرەڭ تۇسىندىرۋگە تىرىسادى. ءۇي تاپسىرماسىن دا سۇراۋدى ۇمىتپايدى.

وقۋشىلاردىڭ تانىم تۇسىنىگىن ارتتىرۋ ءۇشىن اق   ىليا ۇستاز ءوز سىنىبىن «اباي الەمى» دەگەن اتپەن تولىقتاي جاساپ شىققان. مۇندا ۇلى اقىننىڭ ەڭ العاشقى سۋرەتتەرىمەن ەڭ العاش تابىلعان كىتاپتارى دا جيناقتالعان. ءبىلىم ورداسىندا جۇمىس ىستەپ جۇرگەن ۋاقىتتا اشقان اۆتورلىق كابينەتى قازىر برەندكە اينالعان.

مۇندا ابايدىڭ ۇرپاعىنان باستاپ، جادىگەرلەرى سونىمەن قاتار ۇلى اقىن تۋرالى جازىلعان جيناقتاردىڭ بارلى ساقتاۋلى. جامبىل جاباەۆتىڭ ابايعا ارناپ جازعان ولەڭى دە وسكەلەڭ ۇرپاققا
ونەگە دەيدى.

اقىليا بەكباەۆا شاكىرتتەرىن جيدەبايعا دەيىن اپارىپ، ۇلى اقىننىڭ تۋعان ولكەسىمەن دە تانىستىرىپ ءجۇر ەكەن. مۇنىڭ بارلىعى وقۋشىلاردىڭ تەرەڭ ءبىلىم الىر، ءوز كوزىمەن كورسىن دەگەن نيەتتە جاسادىم دەيدى.

"اقىليا بەكباەۆامىز ءبىزدىڭ قازىرگى ءبىلىم بەرۋدىڭ زاماناۋي ترەندتەرىنە كوڭىل بولە وتىرىپ، جەتىك مەڭگەرىپ زۋم پلاتفورماسىمەن، ونلاين مەكتەپپەن جانە باسقا دا قاشىقتان وقىتۋ تەحنولوگيالارىن مەڭگەرىپ ءبىلىمىن بەرىپ وتىر", - دەيدى اباي اتىنداعى مەكتەپ-گيمنازياسىنىڭ ديرەكتورى تۇرسىن سابىروۆا.

وسى جاسقا دەيىن قۇلپىرىپ تىڭ بولۋىمنىڭ ءبىر سەبەبى، ەلدىڭ العىسىن الۋىم شىعار دەگەن قارت ۇستاز ءالى دە بولسا ەڭبەكتەنە بەرەتىنىن جەتكىزدى. ءتىپتى، ونلايننان قاراعاندا ءاربىر وقۋشىنى شىنايى كورىپ، اڭگىمەلەسكەنگە نە جەتسىن دەيدى. ءتىپتى، ولارعا دەگەن ساعىنىشىن دا جاسىرا المادى.

"قاتتى ساعىندىم، ارقايسىنىڭ كوزىن كورگىم كەلەدى، ءسوزىن ەستىگىم كەلەدى. تاعى ساعىنعاندىعىم سول كەيبىر ساباقتا ۇيدە وتىرعاندا كوزىڭە جاس تا كەلەدى", - دەيدى اقىليا بەباەۆا.

قارت ۇستاز ءۇش بالا تاربيەلەپ ودان سەگىز نەمەرە، ون شوبەرە كورىپ وتىر. قازىرگى كوز قۋانىشتارى دا  سولار. ال، سانالى عۇمىرىن ۇستازدىققا ارناعان اجەي كەلەشەكتە دە وقۋشىلارعا ءتالىم-تاربيە بەرىپ، ولاردىڭ بيىكتەن كورىنۋىنە سەپتىگىمدى بەرسەم دەيدى.

"ادىرنا" ۇلتتىق پورتالى

پىكىرلەر