سولتۇستىك قازاقستان وبلىسىندا اۋىل مەكتەپتەرىنىڭ بىرىندە ءجاسوسپىرىم وقۋشى سىنىپتاسىنا پىشاق سۇققان. بۇل تۋرالى وبلىستىق دەنساۋلىق ساقتاۋ باسقارماسىنىڭ ءباسپاسوز قىزمەتى مالىمدەدى، دەپ حابارلايدى “ادىرنا” ۇلتتىق پورتالى.
اقپاراتقا سايكەس، توتەنشە جاعداي تيميريازەۆ اۋدانىنىڭ اقجان مەكتەبىندە بولعان.
«2009 جىلى تۋعان ۇل بالا وڭ جاق يىعىنداعى پىشاق جاراقاتىمەن اۋداندىق اۋرۋحانانىڭ حيرۋرگيا بولىمشەسىنە ءتۇستى. وعان وتا جاساپ، جاراسىن تىكتى»، - دەدى سقو دەنساۋلىق ساقتاۋ باسقارماسىنىڭ ءباسپاسوز قىزمەتى.
كامەلەتتىك جاسقا تولماعان پاتسيەنتتىڭ جاعدايى تۇراقتى. قازىر ەم قابىلداپ جاتىر.
وبلىستىق پوليتسيا دەپارتامەنتى كامەلەتتىك جاسقا تولماعان كۇدىكتىنىڭ ۇستالعانىن مالىمدەدى.
«قاجەتتى تەرگەۋ شارالارى جۇرگىزىلگەننەن كەيىن ول اتا-اناسىنىڭ قاداعالاۋىمەن ۇيىنە جىبەرىلدى. اتالعان فاكتى بويىنشا قىلمىستىق ءىس قوزعالدى. تەرگەۋ ءجۇرىپ جاتىر»، - دەدى ۆەدومستۆونىڭ ءباسپاسوز قىزمەتى.
قۇقىق بۇزۋشىنىڭ جاسىن ەسكەرە وتىرىپ، پوليتسيا قىزمەتكەرلەرى بالانى تاربيەلەۋ مىندەتتەرىن دۇرىس اتقارماعان اتا-اناسىن دا تەرگەۋ جۇمىسىنا تارتپاق.
«ءجاسوسپىرىم پروفيلاكتيكالىق ەسەپكە الىنادى. سونداي-اق اۋدان اكىمدىگى جانىنداعى كامەلەتتىك جاسقا تولماعاندار ءىسى جونىندەگى كوميسسياعا ءتيىستى ۇسىنىس بەرىلەدى»، - دەدى پوليتسيا.
