Áleýmettik jeliler men platformalardyń tilin meńgerip, messendjerlerdiń jiligin shaqqan keıýana oqýshylarǵa onlaın dáris oqyp júr. 82 jastaǵy ájeı zaman kóshinen qalmaýdy jón kóripti. Abaıdy zerttep, uly aqynnyń eńbekterin oqýshylarǵa tanystyramyn dep talmaı eńbek etip júr.
Seksenniń seńgirinen asqan ardager ustaz týraly Stan.kz, Eýrazııa arnasyna siltep jazdy. 60 jyl ǵumyryn oqýshylarǵa sarp etken ájeı, búginde kóshten qalmas úshin tehnologııany da jetik meńgergen. Osynyń arqasynda karantın kezindegi onlaın dáristerdi de óz deńgeıinde ótkizip júr.
82 jastaǵy Aqylııa Bekbaeva Qarasaı aýdanyndaǵy mektepte Qazaq tili men ádebıetten sabaq bergen muǵalim. Óz eshqashan izdenýden, zerttep, oqýdan jalyqpaǵan. Qazirgi qysyltaıań ýaqytta zamanaýı tehnologııany da meńgerip oqýshylaryna kúndelikti dárisin onlaın túrde oqytyp júr. "Sálemetsińder me balalar? Búgingi taqyrybymyz: Abaı atamyzdyń tolyq adam týraly ilimine
biraz toqtaımyz".
Qyrkúıekten beri oqýshylaryn tek komıýterdiń syrtynan kórip, mejelengen ýaqyttyń ishinde barlyǵyn túsindirýge tyrysatyn ustaz áýel basta talaı qyzyqty jaıttarǵa da tap bolǵanyn jetkizdi. Bir túsingenim, tehnologııamen jumys istegen kezde artyq sózderdi tııý qajet deıdi.
"Mynaý tehnologııany paıdalanyp otyrǵanda bir artyq sóz de ketip qalýy múmkin. Ony keıin óziń tyńdasań óziń uıalyp ta qalasyń keıde. Artyq sóz de ketip qalady ǵoı. Bul tehnıkanyń aty tehnıka basylyp qalady. Aıtylǵan sóziń, demalysyń bári", - deıdi qart ustaz Aqylııa Bekbaeva.
Qazirgi ýaqytta Aqylııa ájeı 11-synyptyń oqýshylaryna "Abaı taný" kýrsyn ótkizedi. Ondy uly aqynnyń shyǵarmashylyǵy men ǵumyry týraly oqýshylarǵa meıilinshe tereń túsindirýge tyrysady. Úı tapsyrmasyn da suraýdy umytpaıdy.
Oqýshylardyń tanym túsinigin arttyrý úshin Aq ylııa ustaz óz synybyn «Abaı álemi» degen atpen tolyqtaı jasap shyqqan. Munda uly aqynnyń eń alǵashqy sýretterimen eń alǵash tabylǵan kitaptary da jınaqtalǵan. Bilim ordasynda jumys istep júrgen ýaqytta ashqan avtorlyq kabıneti qazir brendke aınalǵan.
Munda Abaıdyń urpaǵynan bastap, jádigerleri sonymen qatar uly aqyn týraly jazylǵan jınaqtardyń barly saqtaýly. Jambyl Jabaevtyń Abaıǵa arnap jazǵan óleńi de óskeleń urpaqqa
ónege deıdi.
Aqylııa Bekbaeva shákirtterin Jıdebaıǵa deıin aparyp, uly aqynnyń týǵan ólkesimen de tanystyryp júr eken. Munyń barlyǵy oqýshylardyń tereń bilim alyr, óz kózimen kórsin degen nıette jasadym deıdi.
"Aqylııa Bekbaevamyz bizdiń qazirgi bilim berýdiń zamanaýı trendterine kóńil bóle otyryp, jetik meńgerip zým platformasymen, onlaın mekteppen jáne basqa da qashyqtan oqytý tehnologııalaryn meńgerip bilimin berip otyr", - deıdi Abaı atyndaǵy mektep-gımnazııasynyń dırektory Tursyn Sabyrova.
Osy jasqa deıin qulpyryp tyń bolýymnyń bir sebebi, eldiń alǵysyn alýym shyǵar degen qart ustaz áli de bolsa eńbektene beretinin jetkizdi. Tipti, onlaınnan qaraǵanda árbir oqýshyny shynaıy kórip, áńgimeleskenge ne jetsin deıdi. Tipti, olarǵa degen saǵynyshyn da jasyra almady.
"Qatty saǵyndym, árqaısynyń kózin kórgim keledi, sózin estigim keledi. Taǵy saǵynǵandyǵym sol keıbir sabaqta úıde otyrǵanda kózińe jas ta keledi", - deıdi Aqylııa Bebaeva.
Qart ustaz úsh bala tárbıelep odan segiz nemere, on shóbere kórip otyr. Qazirgi kóz qýanyshtary da solar. Al, sanaly ǵumyryn ustazdyqqa arnaǵan ájeı keleshekte de oqýshylarǵa tálim-tárbıe berip, olardyń bıikten kórinýine septigimdi bersem deıdi.
"Adyrna" ulttyq portaly
